ઑનલાઇન ફાર્મસી અને કોર્પોરેટ ડિસ્કાઉન્ટના વિરોધમાં ધ ફેડરેશન ઓફ ગુજરાત કેમિસ્ટ એન્ડ ડ્રગિસ્ટ એસોસિએશન આહવાન હેઠળ આજે બુધવારે ગુજરાત ભરના દવા બજાર બંધ રહે છે જેને લઈ ઊંઝા કેમિસ્ટ એસોસિએશન દ્રારા પણ ઊંઝામાં દવાની દુકાનો બંધ રાખવામાં આવી છે. જેને લઈ આજે ઊંઝા શહેરમાં આવેલ 65 જેટલી મેડિકલ દુકાનો બંધ રહેવા પામી હતી જોકે દર્દીઓને હાલાકીના પડે તે માટે ચાર જેટલી મેડિકલ દુકાનો ચાલુ રાખવામાં આવી છે.
ઊંઝાના મિહીરભાઈ પટેલના કેમિસ્ટ એસોસિએશનના સેક્રેટરીએ જણાવ્યું હતું કે એ ઓલ ઇન્ડિયા કેમિસ્ટ એસોસિએશનના ઉપરથી બંધ આપેલ છે. નાર્કોટિક્સ દવાનું જે વેચાણ થઈ રહ્યું છે, કુરિયસ દવાઓ બહારથી બહુ આવે છે અને ઓનલાઇન ડિસ્કાઉન્ટના વિરોધમાં આ દવા બજાર બંધ રાખવાનું નક્કી કર્યું છે.
