પાલનપુર હાઇવે પર ટિયારબી જવનોએ ખાડા પુરવાની કામગીરી હાથ ધરી; હાઇવે ઓથોરિટી સામે પ્રશ્નો

પાલનપુર નેશનલ હાઇવે પર ચેકપોસ્ટથી એરોમા સર્કલ સુધીના રસ્તા પર મોટા ખાડાઓ પડ્યા છે. નેશનલ હાઇવે ઓથોરિટી દ્વારા આ ખાડાઓની મરામત કરવામાં આવી નથી. અકસ્માતની સંભાવના જોતાં ટીઆરબી જવાનોએ પોતાની રીતે ખાડા પૂરવાની કામગીરી હાથ ધરી છે. આ વિસ્તારમાં જ નેશનલ હાઇવે ઓથોરિટીની કચેરી આવેલી છે. તેમ છતાં અધિકારીઓ આ સમસ્યા પ્રત્યે દુર્લક્ષ સેવી રહ્યા છે. રસ્તા પરના ખાડાઓને કારણે કોઈ મોટી દુર્ઘટના સર્જાય તે પહેલાં ટીઆરબી જવાનોએ પહેલ કરીને ખાડા પૂરવાનું કામ શરૂ કર્યું છે. આ બાબત નેશનલ હાઇવે ઓથોરિટીની કામગીરી સામે પ્રશ્નો ઉભા કરે છે.