ટીમ ઈન્ડિયાની નવી T20I સિરીઝની જાહેરાત, 5 મેચ માટે આ દેશનો પ્રવાસ કરશે

ભારતીય ક્રિકેટ ટીમને લઈને મોટા સમાચાર આવ્યા છે. ટીમ ઈન્ડિયાની નવી સિરીઝની જાહેરાત કરવામાં આવી છે. ભારતીય મહિલા ક્રિકેટ ટીમ આ વર્ષે પાંચ મેચની T20I સિરીઝ માટે દક્ષિણ આફ્રિકાનો પ્રવાસ કરશે. ક્રિકેટ સાઉથ આફ્રિકા (CSA) એ આ T20I સિરીઝનો સમયપત્રક જાહેર કર્યો છે. ક્રિકેટ સાઉથ આફ્રિકા (CSA) એ જણાવ્યું હતું કે તેમને જાહેરાત કરતા આનંદ થાય છે કે વર્લ્ડ કપની ફાઇનલિસ્ટ દક્ષિણ આફ્રિકા મહિલા ક્રિકેટ ટીમ અને ભારતીય મહિલા ક્રિકેટ ટીમ T20I સિરીઝમાં રમશે. આ સિરીઝ 17 એપ્રિલથી શરૂ થશે અને 27 એપ્રિલના રોજ સમાપ્ત થશે. આ મેચો ડરબન, જોહાનિસબર્ગ અને બેનોનીમાં રમાશે. પાંચ મેચની T20I સિરીઝ 17 અને 19 એપ્રિલના રોજ કિંગ્સમીડ સ્ટેડિયમ ખાતે બે મેચોથી શરૂ થશે. આગામી બે મેચ 22 અને 25 એપ્રિલના રોજ વાન્ડરર્સ સ્ટેડિયમ ખાતે રમાશે. સિરીઝ 27 એપ્રિલના રોજ બેનોનીના વિલોમૂર પાર્ક ખાતે પાંચમી અને અંતિમ T20I સાથે સમાપ્ત થશે. આ શ્રેણી 12 જૂનથી ઇંગ્લેન્ડમાં શરૂ થનારા ICC મહિલા T20 વર્લ્ડ કપ 2026 પહેલા દક્ષિણ આફ્રિકાની મહિલા ટીમની છેલ્લી સત્તાવાર સોંપણી હશે. દક્ષિણ આફ્રિકાને ICC ટુર્નામેન્ટના ગ્રુપ 1 માં ઓસ્ટ્રેલિયા, પાકિસ્તાન, ભારત અને ક્વોલિફાયરમાંથી બે ટીમો સાથે ડ્રો કરવામાં આવ્યું છે. T20 WC પહેલા તૈયારીઓને મજબૂત બનાવવાની તક CSA ના નેશનલ ટીમ્સ અને હાઇ પર્ફોર્મન્સ ડિરેક્ટર, એનોક એનક્વેએ T20I સિરીઝ વિશે જણાવ્યું હતું કે વર્લ્ડ કપ પહેલા ભારત જેવી મજબૂત ટીમનો સામનો કરવાથી દક્ષિણ આફ્રિકાની ટીમને પોતાને ચકાસવાની અને તેમના સંયોજનોને સુધારવાની તક મળશે. આ સિરીઝ T20 વર્લ્ડ કપ પહેલા ટીમની તૈયારીમાં મહત્વપૂર્ણ ભૂમિકા ભજવશે. CSAના ચીફ એક્ઝિક્યુટિવ ફોલેત્સી મોસેકીએ જણાવ્યું હતું કે, "અમને દક્ષિણ આફ્રિકામાં ભારતનું સ્વાગત કરતા ગર્વ છે. આ એક વિશ્વ કક્ષાની T20 આંતરરાષ્ટ્રીય સિરીઝ બનવા જઈ રહી છે. મહિલા ક્રિકેટના ઉચ્ચ સ્તરનું પ્રદર્શન કરવા અને દેશભરમાં રમતને વિકસાવવા માટે ઘરની ધરતી પર ગુણવત્તાયુક્ત આંતરરાષ્ટ્રીય ટીમોનું આયોજન કરવું મહત્વપૂર્ણ છે." ભારતીય મહિલા ક્રિકેટ ટીમના દક્ષિણ આફ્રિકા પ્રવાસનો સંપૂર્ણ કાર્યક્રમ

• 17 એપ્રિલ, 2026: 1લી T20I, કિંગ્સમીડ ક્રિકેટ ગ્રાઉન્ડ (ડરબન)
• 18 એપ્રિલ, 2026: બીજી T20, કિંગ્સમીડ ક્રિકેટ ગ્રાઉન્ડ (ડરબન)
• 22 એપ્રિલ, 2026: ત્રીજી T20, વાન્ડરર્સ સ્ટેડિયમ (જોહાનિસબર્ગ)
• 25 એપ્રિલ, 2026: ચોથી T20 મેચ, વાન્ડરર્સ સ્ટેડિયમ (જોહાનિસબર્ગ)
• 27 એપ્રિલ, 2026: પાંચમી T20, વિલોમૂર પાર્ક ક્રિકેટ સ્ટેડિયમ (બેનોની)