T20 વર્લ્ડ કપમાં ટીમ ઈન્ડિયાનો મોટો ધમાકો, પાકિસ્તાન અને ઈંગ્લેન્ડના રેકોર્ડની બરાબરી કરી

ઈન્ડિયાએ ICC T20 વર્લ્ડ કપ 2026 માં એક મોટો સિમાચિહ્ન હાંસલ કર્યો છે. કોલકાતાના ઐતિહાસિક ઈડન ગાર્ડન્સ ખાતે વેસ્ટ ઈન્ડિઝ પર રોમાંચક વિજય સાથે, ભારતે માત્ર સેમિફાઇનલમાં સ્થાન મેળવ્યું જ નહીં પરંતુ પાકિસ્તાન અને ઈંગ્લેન્ડના પ્રભાવશાળી રેકોર્ડની બરાબરી પણ કરી. ટીમ ઈન્ડિયા હવે પુરુષોના T20 વર્લ્ડ કપના ઇતિહાસમાં છ વખત સેમિફાઇનલમાં પહોંચનારી પ્રથમ ટીમ બની ગઈ છે. આ પહેલા ભારતીય ટીમ 2007, 2014, 2016, 2022 અને 2024માં અંતિમ ચારમાં પહોંચી હતી. 2026માં સેમિફાઇનલમાં પહોંચીને, ભારતે આ પ્રતિષ્ઠિત યાદીમાં પાકિસ્તાન અને ઇંગ્લેન્ડની બરાબરી કરી લીધી છે. ઇંગ્લેન્ડ અને પાકિસ્તાન છ-છ વખત T20 વર્લ્ડ કપની સેમિફાઇનલમાં પહોંચ્યા છે. સૌથી વધુ સેમિફાઇનલમાં પ્રવેશ મેળવનારી ટીમો પાકિસ્તાન - 6 વખત (2007, 2009, 2010, 2012, 2021, 2022) ભારત - 6 વખત (2007, 2014, 2016, 2022, 2024, 2026) ઇંગ્લેન્ડ - 6 વખત (2010, 2016, 2021, 2022, 2024, 2026) વેસ્ટ ઈન્ડિઝે પ્રથમ બેટિંગ કરતા 20 ઓવરમાં 4 વિકેટે 195 રનનો મજબૂત સ્કોર બનાવ્યો. રોસ્ટન ચેઝ અને જેસન હોલ્ડરે ટીમ માટે મજબૂત ફિનિશિંગ આપ્યું. ચેઝે 40 રન બનાવ્યા, જ્યારે હોલ્ડરે અણનમ 37 રન બનાવ્યા. જસપ્રીત બુમરાહે સૌથી વધુ બે વિકેટ લીધી. હાર્દિક પંડ્યા અને વરુણ ચક્રવર્તીએ એક-એક વિકેટ લીધી હતી. જવાબમાં, 196 રનના લક્ષ્યનો પીછો કરવા ઉતરેલી ભારતની ટીમ શરૂઆતમાં જ નિષ્ફળ ગઈ. અભિષેક શર્મા અને ઈશાન કિશન વહેલા આઉટ થઈ ગયા. બંને આક્રમક બેટ્સમેન ફક્ત 10-10 રન જ બનાવી શક્યા. કેપ્ટન સૂર્યકુમાર યાદવ અને તિલક વર્મા પણ મોટી ઇનિંગ રમવામાં નિષ્ફળ ગયા. સૂર્યાએ ફક્ત 18 રનનું યોગદાન આપ્યું, જ્યારે તિલક 27 રન જ બનાવી શક્યા. જોકે, ઓપનર સંજુ સેમસન એક છેડે મજબૂતાઈથી રમ્યા અને હાર્દિક પંડ્યા સાથે મળીને 50 થી વધુ રનની ભાગીદારી નોંધાવી. તેમણે 50 બોલમાં અણનમ 97 રન બનાવ્યા, જેમાં 12 ચોગ્ગા અને 4 છગ્ગા ફટકાર્યા અને મેચ ભારતની તરફેણમાં કરી હતી.