સલમાન ખાનને ફરી એકવાર જાનથી મારી નાખવાની ધમકી; અજાણ્યા વિરુદ્ધ કેસ દાખલ

બોલિવૂડના સુપરસ્ટાર અભિનેતા સલમાન ખાનને ફરી એકવાર જાનથી મારી નાખવાની ધમકી મળી છે. મુંબઈના વરલીમાં ટ્રાફિક વિભાગના વોટ્સએપ નંબર પર ધમકી મોકલવામાં આવી હોવાનું કહેવામાં આવી રહ્યું છે. આ પહેલી વાર નથી જ્યારે સલમાન ખાનને આવી ધમકીઓ મળી હોય. આ પહેલા પણ સલમાન ખાનને ઘણી વખત ધમકીઓ મળી ચૂકી છે. હાલમાં પોલીસે આ મામલે કાર્યવાહી શરૂ કરી છે અને અજાણ્યા વ્યક્તિ સામે કેસ પણ નોંધ્યો છે. ધમકી કોણ મોકલી રહ્યું છે તે હજુ સુધી સ્પષ્ટ નથી અભિનેતા સલમાન ખાનને તેમના ઘરમાં ઘૂસીને જાનથી મારી નાખવાની ધમકી આપવામાં આવી છે. આ ધમકીમાં અભિનેતા સલમાન ખાનની કારને બોમ્બથી ઉડાવી દેવાની વાત છે. અજાણ્યા ફોન કરનાર વિરુદ્ધ વર્લી પોલીસ સ્ટેશનમાં કેસ નોંધવામાં આવ્યો છે. પોલીસ આ મામલે કાર્યવાહી કરી રહી છે અને અજાણ્યા વ્યક્તિ વિશે જાણવાનો પ્રયાસ કરી રહી છે. હાલમાં, સલમાન ખાન કે તેના પરિવાર દ્વારા આ બાબતે કોઈ સત્તાવાર માહિતી શેર કરવામાં આવી નથી.