પાલનપુરના ગઠામણ ગામના લોકોએ આઝાદીથી આજ સુધી સરપંચને વોટ જ નથી આપ્યો

ગઠામણ ગામમાં સાડા સાત દાયકાથી ચૂંટણી જ થઈ નથી હિન્દુ-મુસ્લિમ વારાફરતી બને છે સમરસ સરપંચ; બનાસકાંઠા જિલ્લાના પાલનપુર તાલુકાના ગઠામણ ગામે કોમી એકતાનું અનોખુ ઉદાહરણ પૂરું પાડ્યું છે. આ ગામમાં આઝાદીથી આજ સુધી એકપણ વાર ગ્રામ પંચાયતના સરપંચની ચૂંટણી યોજાઈ જ નથી. ગામમાં હિન્દુ અને મુસ્લિમ બંને સમુદાયના લોકો વસવાટ કરે છે. ગામની વિશેષતા એ છે કે અહીં દર પાંચ વર્ષે સરપંચની નિમણૂક સર્વસંમતિથી કરવામાં આવે છે. એક ટર્મમાં હિન્દુ સમાજમાંથી સરપંચની વરણી કરવામાં આવે છે. તો બીજી ટર્મમાં મુસ્લિમ સમાજમાંથી સરપંચની નિમણૂક કરવામાં આવે છે. આ વર્ષે પણ ગામમાં ગ્રામજનોની સર્વસંમતિથી મુસ્લિમ મહિલાને સરપંચ તરીકે નિયુક્ત કરવામાં આવ્યા છે. જ્યારે ડેપ્યુટી સરપંચ તરીકે હિન્દુ મહિલાની વરણી કરવામાં આવી છે. આ પરંપરા ગામમાં છેલ્લા સાડા સાત દાયકાથી અવિરત ચાલી રહી છે. ગ્રામ પંચાયતની ચૂંટણીના સમયે આ ગામમાં કોમી એકતાના દર્શન થાય છે. બંને સમુદાયના લોકો એકબીજાના સુખ દુઃખમાં ભાગીદાર બને છે. આ ગામની આ પરંપરા ગુજરાત અને દેશ માટે એક આદર્શ ઉદાહરણ બની રહી છે.

પાલનપુરના ગઠામણ ગામના લોકોએ આઝાદીથી આજ સુધી સરપંચને વોટ જ નથી આપ્યો

સંબંધિત સમાચાર

અમીરગઢની બનાસ નદીમાં નવા નીર : ચાલુ વર્ષે પહેલીવાર પાણી આવતા ખેડૂતોમાં ખુશી

ડીસાના લિઝા કોમ્પલેક્ષ પાછળ દુકાનના ભોંયરામાંથી આધેડની લાશ મળતા અરેરાટી

ડીસાના કાંટ પાસે ટ્રેલર અને સ્વિફ્ટ કાર વચ્ચે ગંભીર અકસ્માત

દાંતીવાડાના ખેડા ભાખર ગામે મકાનમાં વીજળી પડી