NEET-PG 2026 ની પરીક્ષા આપનારા ઉમેદવારો માટે સારા સમાચાર છે. નેશનલ બોર્ડ ઓફ એક્ઝામિનેશન્સ ઇન મેડિકલ સાયન્સ (NBEMS) એ NEET-PG 2026 ના પરિણામો જાહેર કર્યા છે. ઉમેદવારો NBEMS ની સત્તાવાર વેબસાઇટની મુલાકાત લઈને તેમના પરિણામો ચકાસી શકે છે.
આ પરીક્ષા અનુસ્નાતક તબીબી અભ્યાસક્રમો (MD/MS/DNB) માં પ્રવેશ માટે લેવામાં આવે છે. NBEMS એ આ વર્ષનો કટ-ઓફ પરિણામો સાથે જાહેર કર્યો છે. વિદ્યાર્થીઓ બોર્ડની સત્તાવાર વેબસાઇટ, natboard.edu.in પર તેમના પરિણામો ચકાસી શકે છે.
કુલ ૨,૬૫,૯૬૦ વિદ્યાર્થીઓએ પરીક્ષા આપી હતી. મુખ્ય પરીક્ષા ૩૦ ઓગસ્ટના રોજ યોજાઈ હતી, જ્યારે જયપુરના એક કેન્દ્રમાં વીજળી ગુલ થવાથી પ્રભાવિત વિદ્યાર્થીઓ માટે ૫ સપ્ટેમ્બરના રોજ ફરીથી પરીક્ષા લેવામાં આવી હતી. બોર્ડે સ્પષ્ટતા કરી છે કે નિષ્ણાત ચકાસણીમાં કોઈ પ્રશ્ન ખોટો જણાયો નથી.
