ગુજરાત ટાઇટન્સ સામેની મેચ જીત્યા બાદ પંજાબ કિંગ્સના કેપ્ટન શ્રેયસ ઐયરને બીસીસીઆઈએ 12 લાખ રૂપિયાનો દંડ ફટકાર્યો છે. આ પાછળનું કારણ તેની એક ભૂલ છે, જેના માટે હવે તેને સજા મળી છે. શ્રેયસની આગેવાની હેઠળની પંજાબ કિંગ્સને સ્લો ઓવર રેટ બદલ દોષી ઠેરવવામાં આવી હતી, જેને આઇપીએલની આચારસંહિતાનું ઉલ્લંઘન માનવામાં આવે છે.
શ્રેયસ આઇપીએલની 19મી સિઝનમાં આ ગુનામાં દોષી ઠેરવાયેલો સૌપ્રથમ કેપ્ટન બની ગયો છે.
પીબીકેએસના કેપ્ટન શ્રેયસ ઐયરને દંડ
વાસ્તવમાં આઇપીએલ દ્વારા જાહેર કરવામાં આવેલી રિલીઝમાં જણાવવામાં આવ્યું છે કે, પંજાબ કિંગ્સના કેપ્ટન શ્રેયસ ઐયરને ગુજરાત ટાઇટન્સ વિરુદ્ધ સ્લો ઓવર રેટ જાળવી રાખવા બદલ દંડ ફટકારવામાં આવ્યો છે. આ મેચ ગુજરાત ટાઇટન્સ સામે મુલ્લાનપુર, ન્યૂ ચંદીગઢના ન્યુ ઇન્ટરનેશનલ ક્રિકેટ સ્ટેડિયમમાં રમાઈ હતી. આઇપીએલની આચારસંહિતાના અનુચ્છેદ 2.22 હેઠળ ટીમનો આ પહેલો ગુનો હતો, જે ન્યૂનતમ ઓવરરેટ ગુનાઓ સાથે સંબંધિત છે. અય્યરને 12 લાખ રૂપિયાનો દંડ ફટકારવામાં આવ્યો હતો.
આ પહેલીવાર નથી જ્યારે અય્યરને આ ગુના માટે દંડ ફટકારવામાં આવ્યો હોય. ગયા વર્ષે અય્યરને સ્લો ઓવર રેટને કારણે બીસીસીઆઈએ બે વખત સજા ફટકારી હતી. પહેલા ૧૨ લાખ રૂપિયા હતા અને ત્યારબાદ ભૂલનું પુનરાવર્તન કરવા બદલ ૨૪ લાખ રૂપિયા લાદવામાં આવ્યા હતા.
ન્યુ ચંદીગઢમાં રમાયેલી ગુજરાત ટાઈટન્સ સામે શ્રેયસની આગેવાની હેઠળની પંજાબ કિંગ્સ આખરી ઓવરનો સમયસર પ્રારંભ કરી શકી નહતી. મેચમાં પંજાબ પર પ્રથમ પેનલ્ટી લાદવામાં આવી હતી, ત્યારે ટીમ ફિલ્ડરને આઉટ રાખી શકી નહતી. બાઉન્ડ્રી લાઈન પર પાંચને બદલે માત્ર ચાર જ ફિલ્ડરો હતા. હવે આ ભૂલને કારણે તેને સ્લો ઓવર રેટની ફાઈનલનો સામનો કરવો પડશે.
જો ટીમ ફરી એક વખત આ ગુનામાં દોષિત સાબિત થશે તો ટીમની મેચ ફી પણ કાપી લેવામાં આવશે અને કેપ્ટન શ્રેયસને બમણો દંડ ભરવો પડશે. કેપ્ટન પર ત્રણ સ્લો ઓવર રેટ માટે એક મેચનો પ્રતિબંધ પણ છે.
PBKS vs GT: પંજાબ કિંગ્સે તેની પ્રથમ મેચ જીતી લીધી
આઇપીએલની ચોથી મેચમાં પંજાબ કિંગ્સે ગુજરાત ટાઇટન્સને 3 વિકેટે હરાવ્યું હતું. વર્તમાન ટૂર્નામેન્ટમાં પંજાબ કિંગ્સનો આ પ્રથમ વિજય હતો. ટોસ જીત્યા બાદ પંજાબે પ્રથમ બોલિંગ કરવાનો નિર્ણય લીધો હતો, જે સાચો સાબિત થયો. પ્રથમ બેટિંગ કરતા ગુજરાત ટાઇટન્સે બોર્ડ પર7વિકેટે 162 રન બનાવ્યા હતા. જવાબમાં પંજાબની ટીમે5બોલ બાકી હતા, ત્યારે આ રન રેજ હાંસલ કર્યો હતો. કૂપર કોનોલીએ સૌથી વધુ 72 રન બનાવ્યા હતા.
