આઈપીએલ 2025; એલિમિનેટરમાં મુંબઈ અને ગુજરાત ટકરાશે

આઈપીએલ 2025 માં લીગ સ્ટેજની મેચો પૂરી સિઝનમાં ચાર પ્લેઓફ મેચ રમાશે, જે 29 મે થી શરૂ થશે. પંજાબ કિંગ્સ, રોયલ ચેલેન્જર્સ બેંગ્લોર, ગુજરાત ટાઇટન્સ અને મુંબઈ ઇન્ડિયન્સ એ ચાર ટીમો છે જે આઈપીએલ 2025 ના પ્લેઓફમાં પહોંચવામાં સફળ રહી છે. લીગ સ્ટેજ પછી, પંજાબ અને બેંગલુરુએ ટોપ-2 માં પોતાનું સ્થાન સુરક્ષિત કર્યું, જ્યારે ગુજરાત અને મુંબઈએ લીગ સ્ટેજ ત્રીજા અને ચોથા સ્થાને સમાપ્ત કર્યું. આનો અર્થ એ થયો કે ક્વોલિફાયર 1 મેચ PBKS અને RCB વચ્ચે રમાશે. ત્યારબાદ એલિમિનેટરમાં મુંબઈ અને ગુજરાત ટકરાશે. ગુજરાત ટાઇટન્સ; ગુજરાતના અભિયાનની શરૂઆત હાર સાથે થઈ. પહેલી મેચમાં પંજાબે તેને 11 રનથી હરાવ્યું હતું. અહીંથી, ટાઇટન્સે સતત 4 મેચ જીતીને જોરદાર વાપસી કરી. ત્યારબાદ ટીમે આગામી 7 મેચોમાંથી 5 જીતીને પ્લેઓફમાં સ્થાન મેળવ્યું, પરંતુ છેલ્લી બે મેચ હારીને ટોચનું સ્થાન ગુમાવ્યું. ટીમનો લખનૌ સામે 33 રનથી અને ચેન્નાઈ સામે 83 રનથી પરાજય થયો હતો. ટીમ અંતિમ પોઈન્ટ ટેબલમાં ત્રીજા સ્થાને રહી. મુંબઈ ઈન્ડિયન્સ; આ વર્ષે પણ મુંબઈ ઈન્ડિયન્સની શરૂઆત ખરાબ રહી હતી. ટીમે શરૂઆતની 5 મેચમાંથી 4 મેચ હારી હતી. અહીં મુંબઈના ફક્ત 2 પોઈન્ટ હતા, પરંતુ ચાહકોને મુંબઈના પુનરાગમનનો વિશ્વાસ હતો. કારણ કે MI દર સીઝનમાં શરૂઆતની મેચો હારે છે અને પછી જોરદાર વાપસી કરે છે.