ઝારખંડની રાજધાની રાંચી સહિત રાજ્યના વિવિધ ભાગોમાં સોમવારે સવારથી વાદળછાયું વાતાવરણ રહ્યું હતું અને હવામાનમાં આવેલા આ બદલાવને કારણે ઠંડીમાં વધારો થશે. હવામાન વિભાગના એક અધિકારીએ જણાવ્યું કે બંગાળની ખાડીમાંથી આવતા વેસ્ટર્ન ડિસ્ટર્બન્સ અને ભેજના પ્રભાવ હેઠળ બનેલા ચક્રવાતને કારણે હવામાનમાં આ ફેરફાર થયો છે. ખરાબ હવામાનના કારણે લઘુત્તમ તાપમાનમાં ત્રણથી ચાર ડિગ્રી સેલ્સિયસનો વધારો થયો છે.
હવામાન વિભાગના અધિકારીએ જણાવ્યું કે સોમવારે હવામાનમાં આવેલા ફેરફારને કારણે મહત્તમ તાપમાનમાં એકથી બે ડિગ્રી સેલ્સિયસનો ઘટાડો થઈ શકે છે. રાંચી હવામાન કેન્દ્રના પ્રભારી અભિષેક આનંદે જણાવ્યું હતું કે, મંગળવારથી હવામાન સ્વચ્છ રહેવાની શક્યતા છે અને સવારે હળવાથી મધ્યમ ધુમ્મસની શક્યતા છે. આગામી ત્રણ દિવસ દરમિયાન લઘુત્તમ તાપમાન ચારથી પાંચ ડિગ્રી સેલ્સિયસ ઘટી શકે છે.
