ઇઝરાયલ-અમેરિકા વિરુદ્ધ ઈરાન યુદ્ધ વચ્ચે ઓસ્ટ્રેલિયાનું નિવેદન

અમેરિકા, ઇઝરાયલ અને ઈરાન વચ્ચે યુદ્ધ વધુ તીવ્ર બન્યું છે. ઈરાને આજે મધ્ય પૂર્વીય દેશો પર એક શક્તિશાળી હુમલો કર્યો છે. મધ્ય પૂર્વમાં યુદ્ધના વધતા સંકટ વચ્ચે, ઓસ્ટ્રેલિયાએ એક મોટો નિર્ણય લીધો છે. ઓસ્ટ્રેલિયાએ કહ્યું છે કે તે ઈરાનમાં કોઈપણ લશ્કરી કાર્યવાહીમાં ભાગ લેશે નહીં અને સંઘર્ષ વધવાની સ્થિતિમાં મધ્ય પૂર્વમાં સૈનિકો તૈનાત કરવાનો ઇનકાર કર્યો છે. ઓસ્ટ્રેલિયા તરફથી આ નિવેદન એવા સમયે આવ્યું છે જ્યારે ઇઝરાયલે તેહરાન પર નવા હુમલા કર્યા છે અને તેના જવાબમાં ઇરાને શ્રેણીબદ્ધ મિસાઇલ હુમલાઓ શરૂ કર્યા છે. આ દરમિયાન, ઇરાને આજે ફરીથી મધ્ય પૂર્વના દેશો પર હુમલો કર્યો છે. કુવૈત, બહેરીન, દુબઈ, સાઉદી અરેબિયામાં થયેલા હુમલાઓ બાદ હોબાળો મચી ગયો છે. કુવૈતમાં યુએસ એમ્બેસી પર સીધો હુમલો થયો છે. આ પછી, યુએસ એમ્બેસીમાંથી ધુમાડાના ગોટેગોટા નીકળી રહ્યા છે. થોડા સમય પહેલા ઇરાને બહેરીનમાં યુએસ ફિફ્થ ફ્લીટના મુખ્યાલયને પણ નિશાન બનાવ્યું છે. ઇરાકના ઇરબિલમાં પણ જોરદાર હુમલો થયો છે. દરમિયાન, ઈરાનના હુમલા બાદ સાઉદી અરેબિયાએ એક નિવેદન બહાર પાડ્યું છે. સાઉદી અરેબિયાએ સંકેત આપ્યો છે કે તે ઈરાન સામે બદલો નહીં લે. તેણે ગલ્ફ દેશોને પણ આવી કાર્યવાહીથી દૂર રહેવા વિનંતી કરી છે. સાઉદી અરેબિયાના પ્રિન્સ મોહમ્મદ બિન સલમાન અલ સઉદે ગલ્ફ દેશોને એવી કોઈપણ કાર્યવાહી ટાળવાની ચેતવણી આપી છે જેનાથી ઈરાન અથવા તેના સાથીઓ બદલો લઈ શકે.