ઘૂસણખોરી પર એક્શન: અરવલ્લીમાં આધાર-પુરાવા વગરના 13 શંકાસ્પદ બાંગ્લાદેશીઓની અટકાયત

અરવલ્લી સરહદી સુરક્ષા અને સ્થાનિક કાયદો-વ્યવસ્થાને લઈને એલર્ટ બનેલી અરવલ્લી પોલીસે એક મોટું ઓપરેશન પાર પાડીને 13 શંકાસ્પદ બાંગ્લાદેશી નાગરિકોની અટકાયત કરી છે. પોલીસના સઘન ચેકિંગ દરમિયાન પકડાયેલા આ તમામ શખ્સો પાસેથી ભારતમાં રહેવા માટેના કે પોતાની નાગરિકતા સાબિત કરવા માટેના કોઈ પણ માન્ય દસ્તાવેજો અથવા આધાર-પુરાવા મળી આવ્યા ન હતા. કોઈ પણ કાયદેસરના દસ્તાવેજ વગર આટલી મોટી સંખ્યામાં વિદેશી નાગરિકો સ્થાનિક વિસ્તારમાં આશ્રય મેળવીને રહેતા હોવાની ઘટના સામે આવતા જ સુરક્ષા એજન્સીઓ સતર્ક થઈ ગઈ છે અને આ ઘૂસણખોરી પાછળના મુખ્ય હેતુને શોધવા માટે તમામ શંકાસ્પદોની ઝીણવટભરી પૂછપરછ શરૂ કરવામાં આવી છે.