ઇરાકમાં લશ્કરી મુખ્યાલય પર એક મોટો હવાઈ હુમલો થયો

ઈરાન સાથે ચાલી રહેલા યુદ્ધ વચ્ચે, ઈરાકમાં તેહરાન સમર્થિત લશ્કરી લડવૈયાઓના મુખ્યાલય પર મોટો હુમલો કરવામાં આવ્યો છે. જેમાં એક કમાન્ડર સહિત ચૌદ લડવૈયાઓ માર્યા ગયા છે. આ હુમલા માટે અમેરિકાને જવાબદાર ઠેરવવામાં આવ્યું છે, જોકે હજુ સુધી કોઈએ હવાઈ હુમલાની જવાબદારી લીધી નથી. હુમલા બાદ, મુખ્યાલયમાંથી ઉંચી જ્વાળાઓ અને ધુમાડાના ગોટેગોટા નીકળતા જોવા મળ્યા હતા. આ હુમલામાં લશ્કરનો એક મહત્વપૂર્ણ કમાન્ડર માર્યો ગયો હોવાનો દાવો કરવામાં આવી રહ્યો છે. આ હુમલો ઇરાકમાં શિયા લશ્કર પર કરવામાં આવ્યો છે. ઇરાકના જણાવ્યા અનુસાર, અનબાર પ્રાંતમાં પોપ્યુલર મોબિલાઇઝેશન ફોર્સિસ (PMF) ના મુખ્યાલયને નિશાન બનાવીને હવાઈ હુમલો કરવામાં આવ્યો હતો. સ્થાનિક સૂત્રોના જણાવ્યા અનુસાર, આ હુમલામાં એક કમાન્ડર સહિત 14 લડવૈયાઓ માર્યા ગયા હતા. લશ્કરે આ હુમલા માટે અમેરિકાને જવાબદાર ઠેરવ્યું છે અને તેને ઇરાકની સાર્વભૌમત્વનું ઉલ્લંઘન ગણાવ્યું છે. આ ઘટના પ્રદેશમાં વધતા તણાવ વચ્ચે બની છે, જ્યારે અમેરિકા અને ઇઝરાયલ ઇરાન પર હુમલા કરી રહ્યા છે.