યુટ્યુબર એલ્વિશ યાદવના ઘરે ગોળીબાર; 25 રાઉન્ડ ફાયરિંગ

ગુરુગ્રામના એક ઉચ્ચ કક્ષાના વિસ્તારમાં આજે વહેલી સવારે વિવાદાસ્પદ યુટ્યુબર અને બિગ બોસ ઓટીટી વિજેતા એલ્વિશ યાદવના ઘરની બહાર ગોળીબારની જાણ કરવામાં આવી હતી. ત્રણ અજાણ્યા હુમલાખોરો બાઇક પર આવ્યા હતા. તેમાંથી બેએ ઓછામાં ઓછા એક ડઝન ગોળીબાર કર્યા અને ભાગી ગયા. રવિવારે (17 ઓગસ્ટ) સવારે 6 વાગ્યે ગુરુગ્રામમાં પ્રખ્યાત યુટ્યુબર અને બિગ બોસ ઓટીટી વિજેતા એલ્વિશ યાદવના ઘર પર ગોળીબાર કરવામાં આવ્યો હતો. બાઇક પર આવેલા 3 બદમાશોએ એલ્વિશના ઘર પર 25 રાઉન્ડ જેટલી ગોળીઓ ચલાવી હતી, જેના શેલ પોલીસે સ્થળ પરથી જપ્ત કર્યા છે. આ ગોળીઓ એલ્વિશના ઘરની બાલ્કની, દિવાલો, બારીઓ અને દરવાજામાં વાગી હતી. ગોળીબાર થયો ત્યારે એલ્વિશ ઘરમાં નહોતો. તેની માતા સુષ્મા યાદવ અને કેરટેકર ઘરમાં હતા. જોકે, ઘરની અંદર હોવાને કારણે તેમનો જીવ બચી ગયો હતો. ગોળીબારની જાણ થતાં જ ગુરુગ્રામ પોલીસની ટીમો તાત્કાલિક એલ્વિશના ઘરે પહોંચી ગઈ. પોલીસે ગોળીઓના શેલ જપ્ત કરીને તપાસ શરૂ કરી છે. ગુરુગ્રામ પોલીસનું કહેવું છે કે તાજેતરના ભૂતકાળમાં એલ્વિશને કોઈ પણ પ્રકારની ધમકી મળી હોવાની કોઈ માહિતી નથી. ભાઉ ગેંગે એલ્વિશના ઘરે ગોળીબારની જવાબદારી લીધી હતી. સોશિયલ મીડિયા પોસ્ટમાં, ગેંગસ્ટર નીરજ ફરીદપુર અને ભાઉ રિતુલિયાએ કહ્યું કે એલ્વિશએ સટ્ટાબાજીની એપ્લિકેશનનો પ્રચાર કરીને ઘણા ઘરો બરબાદ કર્યા હતા, તેથી ફાયરિંગ કરવામાં આવ્યું.