દિલ્હીમાં કોની બનશે સરકાર? ૬૯૯ ઉમેદવારો વચ્ચે જામ્યો ચૂંટણીનો જંગ

દિલ્હી વિધાનસભા ચૂંટણી માટે કડક સુરક્ષા વચ્ચે મતદાન ચાલી રહ્યું છે. આ ચૂંટણીમાં ૧.૫૬ કરોડથી વધુ મતદારો પોતાના મતદાન અધિકારનો ઉપયોગ કરશે. દિલ્હીના 70 વિધાનસભા મતવિસ્તારોમાં 13,766 મતદાન મથકો પર મતદાન થશે, જે 699 ઉમેદવારોના ચૂંટણી ભાવિનો નિર્ણય કરશે. મતદાન સવારે સાત વાગ્યે શરૂ થશે અને સાંજે છ વાગ્યા સુધી ચાલુ રહેશે. ચૂંટણી પંચે શાંતિપૂર્ણ મતદાન સુનિશ્ચિત કરવા માટે અર્ધલશ્કરી દળોની 220 કંપનીઓ, દિલ્હી પોલીસના 35,626 કર્મચારીઓ અને 19,000 હોમગાર્ડ્સને તૈનાત કર્યા છે. લગભગ 3,000 મતદાન મથકોને સંવેદનશીલ તરીકે ચિહ્નિત કરવામાં આવ્યા છે અને આમાંના કેટલાક સ્થળોએ ડ્રોન સર્વેલન્સ સહિત વિશેષ સુરક્ષા વ્યવસ્થા કરવામાં આવી છે. દિલ્હીમાં સત્તાધારી આમ આદમી પાર્ટી (AAP) ત્રીજી ટર્મ માટે નજર રાખી રહી છે, જ્યારે ભારતીય જનતા પાર્ટી (BJP) અને કોંગ્રેસ દિલ્હીમાં પુનરાગમન કરવાની આશા રાખી રહ્યા છે. મતદાન સંબંધિત દરેક અપડેટ માટે આ પેજ પર જોડાયેલા રહો.