નેપાળના કાઠમંડુમાં સોશિયલ મીડિયા પર પ્રતિબંધના વિરોધમાં હજારો યુવાનો રસ્તા પર ઉતર્યા

વિવિધ શહેરોમાં વડા પ્રધાન કેપી શર્મા ઓલીની સરકાર સામે Gen-Z ક્રાંતિ શરૂ :વિરોધીઓ સંસદ ભવનમાં પ્રવેશ્યા: પરિસ્થિતિને કાબૂમાં લેવા પોલીસે ટીયર ગેસના શેલ છોડ્યા નેપાળની રાજધાની કાઠમંડુના રસ્તાઓ પર આજે જોરદાર વિરોધ થઈ રહ્યો છે. હજારો છોકરાઓ અને છોકરીઓ રસ્તાઓ પર ઉતરી આવ્યા છે અને સોશિયલ મીડિયા પ્રતિબંધ સામે અવાજ ઉઠાવી રહ્યા છે. આને ધ્યાનમાં રાખીને કાઠમંડુમાં કર્ફ્યુ લાદવામાં આવ્યો છે.કાઠમંડુના વિવિધ શહેરોમાં વડા પ્રધાન કેપી શર્મા ઓલીની સરકાર સામે Gen-Z ક્રાંતિ શરૂ થઈ ગઈ છે. આ દરમિયાન વિરોધીઓ સંસદ ભવનમાં પ્રવેશ્યા. પરિસ્થિતિને કાબૂમાં લેવા પોલીસે ટીયર ગેસના શેલ છોડ્યા. દેશની નવી યુવા પેઢી સરકાર દ્વારા સોશિયલ મીડિયા પર પ્રતિબંધથી લઈને ભ્રષ્ટાચાર સુધી દરેક બાબતનો વિરોધ કરી રહી છે. આ પ્રદર્શનમાં, હજારો યુવાનો રસ્તાઓ પર કૂચ કરતા અને સરકાર વિરુદ્ધ સૂત્રોચ્ચાર કરતા જોવા મળે છે. પ્રદર્શન દરમિયાન સરકારે કલાકો સુધી ફોન અને ઇન્ટરનેટ સેવાઓ ખોરવી નાખી હતી. નેપાળ સરકાર દ્વારા ફેસબુક, ટ્વિટર, વોટ્સએપ અને યુટ્યુબ જેવા 26 સોશિયલ મીડિયા એકાઉન્ટ્સ પર પ્રતિબંધ મુકવાથી નારાજ યુવાનોએ 8 સપ્ટેમ્બરથી Gen-Z Revolution ના નામે પ્રદર્શન શરૂ કર્યું છે. વડા પ્રધાન કેપી ઓલીની સરકારે 4 સપ્ટેમ્બરના રોજ ફેસબુક, ઇન્સ્ટાગ્રામ, યુટ્યુબ, વોટ્સએપ, રેડિટ અને એક્સ જેવી 26 સોશિયલ મીડિયા એપ્સ પર પ્રતિબંધ મૂક્યો હતો.