એક તરફ ડોનાલ્ડ ટ્રમ્પે યુદ્ધ બંધ કરવાની જાહેરાત કરી છે, તો બીજી તરફ અમેરિકી સેનાએ બે ઈરાની ડ્રોનને તોડી પાડ્યા છે. એક અમેરિકી અધિકારીએ જણાવ્યું હતું કે ગુરુવારે મોડી રાત્રે હોર્મુઝ સ્ટ્રેટમાં વાણિજ્યિક જહાજોને નિશાન બનાવવાનો પ્રયાસ કરી રહેલા બે ઈરાની ડ્રોનને તોડી પાડ્યા હતા. અધિકારીએ NBC ન્યૂઝને જણાવ્યું હતું કે, "એવું લાગે છે કે ઈરાને આજે રાત્રે હોર્મુઝ સ્ટ્રેટમાંથી પસાર થતા વાણિજ્યિક જહાજો પર હુમલો કરવાનો પ્રયાસ કર્યો હતો. અમેરિકી સેનાએ બે ઈરાની 'વન-વે એટેક ડ્રોન' તોડી પાડ્યા છે. સ્ટ્રેટમાંથી જહાજોની અવરજવર ચાલુ છે."
કુવૈતે જણાવ્યું હતું કે ગુરુવારે સવારે તેના પ્રદેશ પર ઈરાની હુમલાઓમાં એરપોર્ટ રડારને નુકસાન થયું હતું અને ઘણા લોકો ઘાયલ થયા હતા. કુવૈતના નાગરિક ઉડ્ડયન સંસ્થાએ આંતરરાષ્ટ્રીય નાગરિક ઉડ્ડયન સંગઠનને લખેલા પત્રમાં જણાવ્યું હતું કે, "આજે સવારે એરપોર્ટ રડારને નિશાન બનાવવામાં આવ્યું હતું." તેણે ઉમેર્યું હતું કે હુમલામાં ઘણા લોકો ઘાયલ થયા હતા અને રડાર સુવિધાઓ, સાધનો અને હવાઈ ટ્રાફિક વ્યવસ્થાપન પ્રણાલીઓને નોંધપાત્ર નુકસાન થયું હતું.
અમેરિકાના રાષ્ટ્રપતિ ડોનાલ્ડ ટ્રમ્પે ગુરુવારે ઈરાન પર વધુ હુમલા કરવાની ધમકી પાછી ખેંચી લીધી, અને કહ્યું કે યુદ્ધનો અંત લાવવા માટે તેહરાન સાથે આગામી દિવસોમાં એક કરાર થઈ શકે છે. ઈરાન સાથેની વાતચીત "ઈરાની નેતૃત્વના ઉચ્ચતમ સ્તર સુધી પહોંચી ગઈ છે અને તેને મંજૂરી આપવામાં આવી છે" એવો દાવો કરીને ટ્રમ્પે કહ્યું કે તેમણે "આજે સાંજે ઈરાન પર આયોજિત હુમલાઓ અને બોમ્બમારા રદ કર્યા છે."
યુદ્ધવિરામની વાત, અમેરિકાએ બે ઈરાની ડ્રોન તોડી પાડ્યા, આગળ શું થશે?
