સ્પાઇસજેટની ફ્લાઇટનું ઇમરજન્સી લેન્ડિંગ 205 મુસાફરો અને 7 ક્રૂ મેમ્બર્સ સવાર હતા

સ્પાઇસજેટની ફ્લાઇટ SG 385 માં પ્રેશર ફેઇલ થવાને કારણે ઇમરજન્સી લેન્ડિંગ કરવું પડ્યું હતું. ફ્લાઇટમાં 205 મુસાફરો અને 7 ક્રૂ મેમ્બર્સ સવાર હતા. જાન્યુઆરી 2024 થી, આવી 10 ઇમરજન્સી લેન્ડિંગ થઈ છે અને આ આવી 11મી ઘટના છે. દિલ્હીથી શ્રીનગર જતી સ્પાઇસજેટની ફ્લાઇટનું ઇમરજન્સી લેન્ડિંગ કરવું પડ્યું. અહેવાલો અનુસાર, ફ્લાઇટ SG 385 ને શ્રીનગર એરપોર્ટ પર હવાના દબાણમાં ટેકનિકલ ખામીને કારણે ઇમરજન્સી લેન્ડિંગ કરાવવું પડ્યું. આ ફ્લાઇટમાં 4 બાળકો અને 7 ક્રૂ સભ્યો સહિત 205 મુસાફરો હતા. અધિકારીઓએ જણાવ્યું હતું કે ફ્લાઇટ બપોરે 3:27 વાગ્યે સુરક્ષિત રીતે ઉતરાણ કર્યું હતું અને કોઈપણ મુસાફર કે ક્રૂ સભ્યને તબીબી સહાયની જરૂર નહોતી. અધિકારીઓના જણાવ્યા અનુસાર, હવે આ વિમાન સંપૂર્ણપણે સુરક્ષિત છે તેની ખાતરી કરવા માટે જરૂરી ટેકનિકલ તપાસ કરવામાં આવશે.