હવામાન વિભાગે ઉત્તર ભારતના રાજ્યોમાં તીવ્ર ઠંડી અને ધુમ્મસની આગાહી કરી

નવા વર્ષમાં શિયાળાએ જોર પકડ્યું છે. હવામાન વિભાગના જણાવ્યા અનુસાર, દિલ્હી, પંજાબ, હરિયાણા, ચંદીગઢ, મધ્યપ્રદેશ, રાજસ્થાન અને ઉત્તર પ્રદેશના કેટલાક ભાગોમાં સખત શિયાળો રહેશે. આ રાજ્યોમાં આગામી 24 કલાક દરમિયાન તાપમાનમાં ઘટાડો નોંધાઈ શકે છે. આનો અર્થ એ થયો કે આગામી બે દિવસ સુધી અહીં ઠંડીની સ્થિતિ યથાવત રહેશે હવામાન વિભાગના જણાવ્યા અનુસાર, મોડી રાત અને સવાર દરમિયાન પંજાબના વિવિધ વિસ્તારોમાં ગાઢ ધુમ્મસની સંભાવના છે. આ સાથે હરિયાણા-ચંદીગઢ, ઓડિશા, હિમાચલ પ્રદેશ, રાજસ્થાન, મધ્ય પ્રદેશ, છત્તીસગઢ, પશ્ચિમ બંગાળ અને સિક્કિમમાં ગાઢ ધુમ્મસ છવાયેલો રહી શકે છે. આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં 6 જાન્યુઆરી સુધી ગાઢ ધુમ્મસની ચેતવણી જારી કરવામાં આવી છે.