ઓવૈસીએ કહ્યું; વકફ એમેન્ડમેન્ટ બિલ સામે જેપીસીને આપવામાં આવેલી મારી અસંમતિની નોંધ હટાવી દેવામાં આવી

AIMIM નેતા અસદુદ્દીન ઓવૈસીએ કહ્યું હતું કે વકફ (સુધારા) બિલ પરની સંયુક્ત સમિતિના અહેવાલ પરની તેમની વિગતવાર અસંમતિ નોંધને સમિતિના અધ્યક્ષ જગદંબિકા પાલ દ્વારા તેમની જાણ વગર કાઢી નાખવામાં આવી હતી. સમિતિના સભ્ય ઓવૈસીએ આ અહેવાલ પર 231 પાનાની અસંમતિ નોંધ આપી હતી. આ રિપોર્ટ ગુરુવારે લોકસભાના અધ્યક્ષને સોંપવામાં આવ્યો હતો. તેમણે સ્પીકરને રિપોર્ટના સંબંધમાં આપવામાં આવેલી અસંમતિ નોંધને બદલવાની પ્રક્રિયાના નિયમોનો દુરુપયોગ કરવાનો આરોપ લગાવ્યો. ઓવૈસીએ 'X' પર લખ્યું, "મેં વકફ સુધારા બિલ વિરુદ્ધ સંયુક્ત સમિતિને વિગતવાર અસંમતિ નોંધ રજૂ કરી હતી. તે આઘાતજનક છે કે મારી નોંધના ભાગો મારી જાણ વગર સંપાદિત કરવામાં આવ્યા હતા. કાઢી નાખેલ વિભાગો વિવાદાસ્પદ ન હતા; તેમાં માત્ર તથ્યો જ જણાવવામાં આવ્યા હતા.' તેમણે કહ્યું, (સમિતિના) અધ્યક્ષ જગદંબિકા પાલે તેઓની ઈચ્છા મુજબ રિપોર્ટ તૈયાર કરાવ્યો, પરંતુ વિપક્ષનો અવાજ કેમ દબાવવામાં આવ્યો? તેઓએ મારા અહેવાલમાં ફેરફાર કરવા માટે નિયમનો દુરુપયોગ કર્યો હોવાથી, હું ટૂંક સમયમાં જ લોકોને વાંચવા માટે મારી સંપૂર્ણ અસંમતિ નોંધ બહાર પાડીશ. વક્ફ (સુધારા) બિલ પર સંસદની સંયુક્ત સમિતિએ 15 થી 11 બહુમતીથી ખરડાના ડ્રાફ્ટ પરના આ અહેવાલને સ્વીકાર્યો. વિપક્ષી સભ્યોએ અહેવાલ પર અસંમતિની નોંધ રજૂ કરી હતી. જણાવી દઈએ કે 30 જાન્યુઆરીએ વકફ (સુધારા) બિલ પર વિચારણા કરનાર સંયુક્ત સંસદીય સમિતિ (JPC)ના અધ્યક્ષ જગદંબિકા પોલે JPC રિપોર્ટ લોકસભાના અધ્યક્ષ ઓમ બિરલાને સોંપ્યો હતો. બુધવારે, સમિતિએ 11 વિરુદ્ધ 15 મતથી 665 પાનાના આ અહેવાલને સ્વીકાર્યો. તેમાં ભાજપના સભ્યોએ આપેલા સૂચનો છે. વિપક્ષી સભ્યોએ તેને ગેરબંધારણીય ગણાવ્યું અને આક્ષેપ કર્યો કે આ પગલું વકફ બોર્ડને બરબાદ કરશે.