કીર સ્ટાર્મરે યુકેના વડા પ્રધાન પદેથી રાજીનામું આપ્યું

બ્રિટિશ વડા પ્રધાન અને લેબર પાર્ટીના નેતા કીર સ્ટાર્મરે તેમના પદ પરથી રાજીનામું આપવાની જાહેરાત કરી છે. લેબર પાર્ટીની અંદરથી વધતા દબાણ બાદ સ્ટાર્મરે આ જાહેરાત કરી હતી. પોતાના સંબોધનમાં સ્ટાર્મરે તેમની પત્ની અને બાળકો વિશે ભાવનાત્મક રીતે વાત કરી. ઉપરાંત, તેમના નેતૃત્વ અને પાર્ટીના ભવિષ્ય અંગે ઉભા થઈ રહેલા આંતરિક પ્રશ્નોનો સ્વીકાર કરતા સ્ટાર્મરે કહ્યું, "હું જાણું છું કે હવે પ્રશ્ન પૂછવામાં આવી રહ્યો છે કે લેબર પાર્ટીને આગળ લઈ જવા માટે સૌથી યોગ્ય વ્યક્તિ કોણ છે. પાર્ટી પૂછી રહી છે કે શું હું આગામી ચૂંટણીમાં પાર્ટીનું નેતૃત્વ કરવા માટે સૌથી યોગ્ય વ્યક્તિ છું. મેં મારા પાર્ટીના સાથીદારો પાસેથી જવાબ સાંભળ્યો છે અને હું તેનો સ્વીકાર કરું છું. તેમણે ઉમેર્યું, "મેં જે પણ નિર્ણય લીધો છે તે મારા પ્રિય દેશને પ્રથમ રાખવાનો છે. તેથી જ હું લેબર પાર્ટીના નેતા તરીકે રાજીનામું આપી રહ્યો છું. મેં આજે સવારે મહામહિમ રાજા સાથે વાત કરી અને તેમને મારા નિર્ણયની જાણ કરી."

સ્ટાર્મરે ઉમેર્યું, હું લેબર નેશનલ એક્ઝિક્યુટિવને સપ્ટેમ્બરમાં આગામી સંસદીય સત્ર પહેલાં નવા નેતાની નિમણૂક સુનિશ્ચિત કરવાની પ્રક્રિયા શરૂ કરવા વિનંતી કરીશ. હું મારા અનુગામીને મારો સંપૂર્ણ ટેકો આપીશ, કારણ કે તેઓ એક મજબૂત બ્રિટનનો વારસો મેળવશે, જેનાથી લેબર પાર્ટી બીજી ટર્મ જીતી શકશે. હું મારા બધા સાથીદારોનો તેમના સમર્થન બદલ આભાર માનું છું.