ઇઝરાયલ, અમેરિકા અને ઈરાન વચ્ચેનો યુદ્ધવિરામ 22 એપ્રિલના રોજ મધ્યરાત્રિના લગભગ 12 વાગ્યે સમાપ્ત થઈ રહ્યો છે. યુદ્ધવિરામ સમાપ્ત થવામાં 36 કલાકથી પણ ઓછો સમય બાકી છે. અમેરિકા અને ઈરાન વચ્ચે યુદ્ધવિરામ સમાપ્ત થવામાં 36 કલાકથી પણ ઓછો સમય બાકી છે. દરમિયાન, એક્સિઓસનો દાવો છે કે ઈરાનના સુપ્રીમ લીડર મોજતબા ખામેનીએ બુધવારે ઇસ્લામાબાદમાં અમેરિકા સાથે શાંતિ વાટાઘાટો માટે લીલીઝંડી આપી છે.
જોકે, ઈરાન અને અમેરિકા વચ્ચે બીજા રાઉન્ડની વાતચીત હજુ સુધી નક્કી થઈ નથી. આ દરમિયાન, અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાન સોદો જોઈન્ટ કોમ્પ્રીહેન્સિવ પ્લાન ઓફ એક્શન (JCPOA) કરતાં ઘણો સારો હશે. ઈરાનના સંસદના સ્પીકર, એમ.બી. ગાલિબાફે કહ્યું છે કે ધમકીઓ અને વાટાઘાટો એકસાથે ચાલી શકે નહીં. ટ્રમ્પે એવો પણ દાવો કર્યો છે કે ઉપરાષ્ટ્રપતિ જે.ડી. વાન્સ, જેરેડ કુશનર અને ખાસ દૂત સ્ટીવ વિટકોફ સહિતની એક ઉચ્ચ સ્તરીય યુએસ વાટાઘાટ ટીમ ઈરાની નેતૃત્વ સાથે મહત્વપૂર્ણ વાટાઘાટો શરૂ કરવા માટે પાકિસ્તાન આવી રહી છે. ટ્રુથ સોશિયલ પર એક પોસ્ટમાં, ટ્રમ્પે લખ્યું, કે અમે ઈરાન સાથે જે સોદો કરી રહ્યા છીએ તે JCPOA કરતાં ઘણો સારો હશે, જેને સામાન્ય રીતે 'ઈરાન પરમાણુ સોદો' તરીકે ઓળખવામાં આવે છે.
