IPL 2025: પરાજય બાદ પણ ટીમનો વિશ્વાસ ક્યારેય ડગમગ્યો નથી: તિલક વર્મા

મુંબઈ ઈન્ડિયન્સના બેટ્સમેન તિલક વર્માએ જણાવ્યું હતું કે આઈપીએલ 2025 સીઝનની મુશ્કેલ શરૂઆત છતાં, એમઆઈ ડ્રેસિંગ રૂમ પુનરાગમન કરવાનો વિશ્વાસ ધરાવે છે. સનરાઈઝર્સ હૈદરાબાદ સામેની તેમની મહત્વપૂર્ણ મેચ પહેલા, યુવા ડાબોડી બેટ્સમેનએ ભારપૂર્વક જણાવ્યું હતું કે શરૂઆતના પરાજય પછી પણ ટીમનો વિશ્વાસ ક્યારેય ડગમગ્યો નથી. મુંબઈ, જેણે પોતાની પ્રથમ પાંચ મેચમાંથી ચાર મેચ ગુમાવી હતી, તેણે હવે સતત ત્રણ જીતી છે અને તે ગતિ પકડી રહી હોય તેવું લાગે છે. "અમે શરૂઆતથી જ માનતા હતા કે અમે વધુ સારું કરી શકીએ છીએ. અમે હવે તે જ કરી રહ્યા છીએ અને તે વધુ સારું થઈ રહ્યું છે,તિલક વર્માએ મંગળવારે મેચ પહેલાની પ્રેસ કોન્ફરન્સ દરમિયાન કહ્યું હતું.