ગુજરાત ટાઇટન્સના સાઇ સુદર્શને T20 ક્રિકેટમાં 2000 રન બનાવનાર સૌથી ઝડપી ભારતીય બેટ્સમેન

સાઈ સુદર્શન હાલમાં જે ફોર્મમાં છે તે દિવસ દૂર નથી જ્યારે ભારતીય ટીમની વાદળી જર્સીમાં રમતા જોવા મળશે. સાઈ સુદર્શન હાલમાં આઈપીએલ માં ગુજરાત માટે વિસ્ફોટક બેટિંગ કરી રહ્યો છે. જે વિરાટ કોહલી, રોહિત શર્મા અને એમએસ ધોની જેવા વિશ્વ વિખ્યાત બેટ્સમેન પણ કરી શક્યા નથી. તેણે સચિન તેંડુલકરનો રેકોર્ડ પણ એક જ ઝટકામાં તોડી નાખ્યો છે. https://twitter.com/gujarat_titans/status/1918313144264335589 સાઈ સુદર્શને ટી20માં 2000 રન પૂરા કર્યા; ગુજરાત ટાઇટન્સ માટે આઈપીએલ રમી રહેલા સાઇ સુદર્શને T20 ક્રિકેટમાં 2000 રન પૂરા કર્યા છે. આ પહેલા આ રેકોર્ડ ભારતીય બેટ્સમેન તરીકે સચિન તેંડુલકરના નામે હતો. સચિન તેંડુલકરે ટી20 ક્રિકેટમાં 59 ઇનિંગ્સમાં 2000 રન પૂરા કર્યા હતા, પરંતુ હવે સાઈ સુદર્શને માત્ર 54 ઇનિંગ્સમાં આ સિદ્ધિ મેળવી છે. જોકે, જો આપણે દુનિયાભરના બેટ્સમેનોની વાત કરીએ, તો આ કિસ્સામાં શોન માર્શ પહેલા આવે છે. જેમણે ફક્ત 53 ટી20 ઇનિંગ્સ રમીને બે હજાર રન પૂરા કર્યા છે. એનો અર્થ એ થયો કે સાઈ સુદર્શન વિશ્વના પ્રથમ બેટ્સમેન બનવાથી એક ઇનિંગ ચૂકી ગયા છે. પરંતુ આ પછી પણ, તેમણે ભારત માટે આ ચમત્કાર કર્યો છે.