કડી અને વિસાવદર બેઠક પર ચૂંટણીની જાહેરાત

છેલ્લા કેટલાક સમયથી વિસાવદરની પેટા ચૂંટણીઓની રાહ જોઈ રહ્યા હતા. આજે ચૂંટણી પંચે કડી અને વિસાવદર બેઠક પર ચૂંટણીની જાહેરાત કરી દીધી છે. આ બંને બેઠક માટે 19 જૂન, 2025ના રોજ મતદાન યોજાશે અને 23 જૂને મતગણતરી કરવામાં આવશે. આ બંને બેઠકો પર 26 મેથી ચૂંટણી ફોર્મ ભરવાની શરૂઆત થશે. અત્યારે વિસાવદરમાં આમ આદમી પાર્ટીએ પહેલા જ પોતાના ઉમેદવારની જાહેરાત કરી દીધી છે. સાથે જ કોંગ્રેસે પણ સ્પષ્ટ કહ્યું છે કે વિસાવદર કે કડી બેઠક પર કોઈ ગઠબંધન નહિ થાય. કોંગ્રેસ પોતે જ ચૂંટણી લડશે. ત્યારે હવે જોવાનું રહ્યું કે દરેક પક્ષ આ બેઠકો પર હવે ક્યા ઉમેદવારોને મેદાને ઉતારે છે.