દિલ્હીમાં BRICS સમિટ: રશિયન રાષ્ટ્રપતિ પુતિન સપ્ટેમ્બરમાં ભારત આવશે!

રશિયાના રાષ્ટ્રપતિ પુતિન 12 થી 13 સપ્ટેમ્બર દરમિયાન દિલ્હીમાં યોજાનારી બ્રિક્સ સમિટમાં ભાગ લેવા માટે ભારતની મુલાકાતે આવશે. બ્રિક્સ સમિટ 12 અને 13 સપ્ટેમ્બરના રોજ ભારતમાં યોજાશે. ક્રેમલિન દ્વારા પુષ્ટિ આપવામાં આવી છે કે રાષ્ટ્રપતિ પુતિન બે દિવસ માટે ભારતની મુલાકાત લેશે. તમને જણાવી દઈએ કે એક વર્ષમાં પુતિનની આ બીજી ભારતની મુલાકાત હશે. અગાઉ, પુતિન ગયા વર્ષે ડિસેમ્બરમાં ૨૩મી ભારત-રશિયા વાર્ષિક સમિટમાં ભાગ લેવા માટે ભારતની મુલાકાતે આવ્યા હતા. આ મહિનાની શરૂઆતમાં, રશિયાના વિદેશ પ્રધાન સેરગેઈ લવરોવ બ્રિક્સ દેશોના વિદેશ પ્રધાનોની બેઠક માટે ભારતની મુલાકાતે આવ્યા હતા. 

આ બદલાતા વાતાવરણમાં ભારતનો રશિયા સાથેનો સંબંધ તેની વિદેશ નીતિ માટે મહત્વપૂર્ણ છે. ખાસ કરીને, છેલ્લા ઘણા દાયકાઓથી બંને દેશો વચ્ચે સંરક્ષણ સહયોગ અને ઊર્જા સંબંધો ખૂબ જ ગાઢ રહ્યા છે. ભારત અને યુનાઇટેડ સ્ટેટ્સ વચ્ચેના સંબંધો તાજેતરમાં સમાચારમાં રહ્યા છે. આમ છતાં, ભારત હજુ પણ તેના લાંબા સમયના મિત્ર રશિયાને તેના લાંબા ગાળાના વ્યૂહાત્મક હિતોનું રક્ષણ કરવામાં મુખ્ય ભાગીદાર માને છે.