BCCI એ ડોમેસ્ટિક સીઝનનું શેડ્યૂલ જાહેર કર્યું, દુલીપ ટ્રોફીથી શરૂ થશે, 1700+ મેચ રમાશે

BCCI એ 2026-27 ના ઘરેલુ સિઝન માટે શેડ્યૂલ જાહેર કર્યું છે. આ ઘરેલુ સિઝન દરમિયાન પુરુષો અને મહિલા ક્રિકેટમાં વિવિધ વય જૂથો અને ફોર્મેટમાં કુલ 1,788 મેચ રમાશે. આ સિઝનમાં પુરુષોના ક્રિકેટમાં સિનિયર, U23, U19 અને U16 શ્રેણીઓમાં ટુર્નામેન્ટ્સ રમાશે. મહિલા ટીમ U23, U19 અને U15 ટુર્નામેન્ટ પણ રમશે. આગામી ઘરેલુ સિઝન 23 ઓગસ્ટ, 2026 ના રોજ દુલીપ ટ્રોફીથી શરૂ થશે. દુલીપ ટ્રોફીની ફાઇનલ 10 સપ્ટેમ્બરના રોજ યોજાશે. 


દુલીપ ટ્રોફીમાં છ ઝોનલ ટીમો ભાગ લેશે. આગામી 1 ઓક્ટોબરથી શરૂ થનારી ઈરાની કપ રમાશે. 5 ઓક્ટોબરે ફાઇનલ રમાશે. આ વખતે પણ રણજી ટ્રોફી અને કર્નલ સી.કે. નાયડુ ટ્રોફી બે તબક્કામાં રમાશે. આ બંને ટુર્નામેન્ટ બે તબક્કામાં રમવાથી ખેલાડીઓને આરામ કરવાનો પૂરતો સમય મળશે. રણજી ટ્રોફીના એલીટ ગ્રુપમાં 32 ટીમો હશે જેને ચાર ગ્રુપમાં વિભાજિત કરવામાં આવશે, જ્યારે પ્લેટ ગ્રુપમાં છ ટીમો હશે. રણજી ટ્રોફીનો પ્રથમ તબક્કો 11 ઓક્ટોબરથી 5 નવેમ્બર સુધી રમાશે. બીજો તબક્કો 17 જાન્યુઆરીથી શરૂ થશે, જેમાં નોકઆઉટ મેચ 9 ફેબ્રુઆરીથી 3 માર્ચ સુધી રમાશે.

રણજી ટ્રોફી ઉપરાંત, સૈયદ મુશ્તાક અલી ટ્રોફી T20 ટુર્નામેન્ટ 14 નવેમ્બરથી શરૂ થશે, જેમાં 30 નવેમ્બરથી 6 ડિસેમ્બર સુધી નોકઆઉટ મેચો યોજાશે. વિજય હજારે ટ્રોફી પણ 14 ડિસેમ્બરથી શરૂ થશે, જેમાં 2 જાન્યુઆરીથી 8 જાન્યુઆરી સુધી નોકઆઉટ મેચો યોજાશે.

ડિફેન્ડિંગ ચેમ્પિયન અને રેસ્ટ ઓફ ઈન્ડિયા વચ્ચેની કર્નલ સી.કે. નાયડુ ટ્રોફી મેચ આગામી ડોમેસ્ટિક સીઝનમાં 1-4 ઓક્ટોબર, 2026 દરમિયાન ફરીથી રમાશે. ડોમેસ્ટિક સ્તરે અંડર-23 (U23) ક્રિકેટરોને વધુ સારી તકો પૂરી પાડવા માટે ડોમેસ્ટિક કેલેન્ડરમાં આ મેચ ફરીથી રમાઈ છે. વધુમાં, BCCI T20 ક્રિકેટ પર ધ્યાન કેન્દ્રિત કરી રહ્યું છે, તેથી જ બોર્ડે મેન્સ U23 સ્ટેટ 'A' ટ્રોફી અને વિજય ટ્રોફીને ODI ફોર્મેટમાંથી T20 ટુર્નામેન્ટમાં રૂપાંતરિત કરી છે.