અરવિંદ કેજરીવાલે ભારતીય સેનાની પ્રશંસા કરી; અમારા બહાદુર સૈનિકો પર ગર્વ

ભારતીય સેનાએ 22 એપ્રિલે પહેલગામમાં થયેલા આતંકવાદી હુમલાનો બદલો લીધો છે. ઓપરેશન સિંદૂર અંગે વિવિધ પક્ષોના નેતાઓની પ્રતિક્રિયાઓ સામે આવી રહી છે. દિલ્હીના પૂર્વ મુખ્યમંત્રી અરવિંદ કેજરીવાલે ટ્વિટમાં ભારતીય સેનાની પ્રશંસા કરી છે અને ભારતના બહાદુર સૈનિકોમાં વિશ્વાસ વ્યક્ત કર્યો છે. અરવિંદ કેજરીવાલે પોતાના ટ્વિટર એકાઉન્ટ પર લખ્યું, 'અમને ભારતીય સેના અને અમારા બહાદુર સૈનિકો પર ગર્વ છે. આતંકવાદ સામેની આ લડાઈમાં ૧૪૦ કરોડ ભારતીયો ભારતીય સેનાની સાથે ઉભા છે. ભારતીય સેનાની હિંમત એ દેશના દરેક નાગરિકનો વિશ્વાસ છે. આપણે બધા સાથે છીએ -આતંકવાદ સામે એક થયા છીએ.