મહાકુંભમાં નાસભાગ બાદ અમૃતસ્નાન શરૂ, હેમા માલિનીએ સંગમમાં ડૂબકી લગાવી, રામદેવ-અવધેશાનંદ ગિરી પણ હાજર

મહાકુંભમાં નાસભાગ બાદ હવે સ્થિતિ કાબુમાં આવી ગઈ છે અને અખાડાઓએ અમૃતસ્નાન લેવાનું શરૂ કરી દીધું છે. સાંસદ હેમા માલિનીએ આજે મૌની અમાવસ્યા પર ત્રિવેણી સંગમમાં ડૂબકી લગાવી છે. આ દરમિયાન તેમની સાથે જૂના અખાડાના આચાર્ય મહામંડલેશ્વર સ્વામી અવધેશાનંદ ગિરી મહારાજ અને યોગ ગુરુ બાબા રામદેવ પણ હાજર હતા અને તેઓએ સંગમમાં પવિત્ર સ્નાન પણ કર્યું હતું. તેનો વીડિયો પણ સામે આવ્યો છે. તમામ 13 અખાડાઓએ અમૃતસ્નાનની શરૂઆત કરી પ્રયાગરાજમાં ચાલી રહેલા મહાકુંભમાં નાસભાગ બાદ સ્થિતિ કાબૂમાં આવી ગઈ છે. અગાઉ એવા અહેવાલ હતા કે તમામ 13 અખાડાઓએ અમૃત સ્નાન રદ કરી દીધું છે. જોકે, હવે અખાડાઓએ અમૃતસ્નાન શરૂ કર્યું છે. અખાડા પરિષદે સીએમ યોગી સાથે પણ વાત કરી છે. આજે પ્રયાગરાજ મહાકુંભનું બીજું અમૃત સ્નાન છે. આજે મૌની અમાવસ્યા નિમિત્તે 10 કરોડથી વધુ શ્રદ્ધાળુઓ મહાકુંભમાં સ્નાન કરે તેવી શક્યતા છે. સમાચાર લખાય છે ત્યાં સુધી આજે 1.75 કરોડ લોકોએ સ્નાન કર્યું છે અને મહાકુંભની શરૂઆતથી લઈને 28 જાન્યુઆરી સુધી 19.94 કરોડ લોકોએ સ્નાન કર્યું છે. સીએમ યોગીનું નિવેદન સામે આવ્યું છે  મહાકુંભમાં નાસભાગ પર સીએમ યોગીએ કહ્યું કે પ્રયાગરાજમાં 10 કરોડ ભક્તો હાજર છે. પીએમ મોદી સાથે 4 વખત વાત કરી છે. પ્રયાગરાજમાં સ્થિતિ નિયંત્રણમાં છે. કોઈપણ પ્રકારની અફવા પર ધ્યાન ન આપો. પહેલા સામાન્ય ભક્તો સ્નાન કરે છે. તમે કોઈપણ ઘાટ પર જઈને સ્નાન કરી શકો છો. ભક્તોએ સંગમ નાકે જવાનો પ્રયાસ ન કરવો જોઈએ.