નેપાળમાં સરકાર બનાવ્યાના માત્ર 26 દિવસ પછી, ગૃહમંત્રી સુદાન ગુરુંગે રાજીનામું આપી દીધું છે. આને બાલેન શાહ સરકાર માટે મોટો ફટકો માનવામાં આવી રહ્યો છે. ગુરુંગે સોશિયલ મીડિયા પર રાજીનામાની જાહેરાત કરતી એક પોસ્ટ શેર કરી હતી, જેમાં લખ્યું હતું કે, "હિતોના સંઘર્ષને કારણે મેં પદ છોડવાનો નિર્ણય લીધો છે. હું તપાસ પછી મારા ભવિષ્ય વિશે નિર્ણય લઈશ." સુદાનને બાલેન શાહની નજીક માનવામાં આવે છે.
ગુરુંગે સપ્ટેમ્બર 2025માં કેપી ઓલી સરકાર વિરુદ્ધ થયેલા વિરોધ પ્રદર્શનમાં મુખ્ય ભૂમિકા ભજવી હતી.નેપાળી અખબાર ઇ-કાંતિપુર અનુસાર, ગુરુંગનું નામ વિવાદાસ્પદ નેપાળી ઉદ્યોગપતિ દીપક ભટ્ટ સાથે જોડાયું છે, જેના કારણે તેમની સંડોવણી અંગે પ્રશ્નો ઉભા થયા છે. ભટ્ટ હાલમાં મની લોન્ડરિંગના આરોપમાં તપાસ હેઠળ છે.
