લુઇસિયામાં એક ઘરેલુ વિવાદમાંથી એક ચોંકાવનારી ઘટના સામે આવી છે જે ગોળીબારમાં આઠ બાળકોના મોત સુધી પહોંચી ગઈ છે. પોલીસ અધિકારીઓનું કહેવું છે કે આ ઘટના ઘરેલુ વિવાદમાંથી ઉદ્ભવી હતી.
અધિકારીઓનું કહેવું છે કે ઘરેલુ ઝઘડામાં આઠ લોકોના મોત થયા છે. પીડિતોની ઉંમર 1 થી 14 વર્ષની વચ્ચે હતી. શ્રેવપોર્ટ પોલીસ વડા વેન સ્મિથના જણાવ્યા અનુસાર, ગોળીબાર રવિવારે સવારે 6 વાગ્યાની આસપાસ થયો હતો. તેમણે કહ્યું કે આ ઘટનામાં કુલ 10 લોકો ઘાયલ થયા છે, અને ઉમેર્યું કે ઘટના અંગે માહિતી એકત્રિત કરવામાં આવી રહી છે.
સ્મિથના જણાવ્યા મુજબ, પોલીસે હુમલાખોરનો પીછો કરીને ગોળી મારી દીધી હતી, જેના પરિણામે તેનું મોત નીપજ્યું હતું. મીડિયા રિપોર્ટ્સ અનુસાર, હુમલાખોરે વાહન ચોરી કરીને ભાગવાનો પ્રયાસ કર્યો હતો, પરંતુ પોલીસે તેનો પીછો કર્યો હતો. પીછો દરમિયાન પોલીસે ગોળીબાર કર્યો હતો, જેમાં હુમલાખોરનું મોત નીપજ્યું હતું. લ્યુઇસિયાના રાજ્ય પોલીસ ગોળીબારની તપાસ કરી રહી છે.
