સીસીટીવી ફૂટેજ ના આધારે ભીલડી પોલીસે ગણતરીના કલાકોમાં ભેદ ઉકેલ્યો ડીસાના મુડેઠા નજીક રવિવારે રાજસ્થાનના યુવકના માથામાં પક્કડ મારી હત્યા કરવામાં આવી હતી. આ અંગે ભીલડી પોલીસ મથકે ફરિયાદ નોંધાઇ હતી. દરમિયાન પોલીસે જુદીજુદી ટીમો બનાવી સીસીટીવી કેમેરાના ફૂટેજ સહિતની તપાસ કરી ત્રણ હત્યારાઓને ઝડપી લીધા હતા. રિક્ષા ભાડુ તેમજ રિક્ષા ઝડપથી ચલાવવા માટેના ઝઘડામાં યુવકની હત્યા કરવામાં આવી હોવાનું સામે આવ્યું હતુ. ડીસા તાલુકાના મુડેઠા ગામના ટોલનાકા નજીક તારીખ, 2 નવેમ્બર 2024 ના રાત્રીના સુમારે રાજસ્થાનના શ્રવણરામ નિમ્બારામ ગોદારા (જાટ)ની હત્યા કરવામાં આવી હતી. જેનો ભીલડી પોલીસે ભેદ ઉકેલ્યો હતો. જેની વિગતો એવી છે કે, શ્રવણરામ કાંકરેજ તાલુકાના ચાંગા ગામેથી રસોઈ નું કામ કરતા હતા જેઓ તહેવારો પર પોતાના ઘેર રાજસ્થાન જાવા નીકળ્યા હતા તે દરમિયાન થરા થી ભીલડી સુધી જવા માટે થરા થી સ્પેશિયલ રીક્ષા કરી ભીલડી જવા નીકળ્યા હતા
