ટીમ ઈન્ડિયા એશિયા કપમાં ટાઈટલ સ્પોન્સર વગર રમશે; ડ્રીમ 11 સ્પોન્સરશિપ માંથી નામ પાછું ખેંચી લીધું

ટીમ ઈન્ડિયા એશિયા કપ 2025માં ટાઈટલ સ્પોન્સર વગર રમશે. હવે ટીમ ઈન્ડિયાના ખેલાડીઓની જર્સીના આગળના ભાગમાં ડ્રીમ11 લખેલું નહીં હોય. BCCI સેક્રેટરી દેવજીત સૈકિયાએ આ અંગે મોટું નિવેદન આપ્યું છે. ભારત સરકાર દ્વારા તાજેતરમાં ઓનલાઈન ગેમિંગ બિલ 2025 પસાર થયા પછી, ડ્રીમ 11 એ ભારતીય ટીમના સ્પોન્સરશિપમાંથી પોતાનું નામ પાછું ખેંચી લીધું છે. આવી સ્થિતિમાં, હવે BCCI એ એશિયા કપ 2025 માં ટાઇટલ સ્પોન્સર વિનાની ટીમ મોકલવી પડશે. BCCI એ ડ્રીમ 11 સાથે 358 કરોડનો સોદો કર્યો હતો; ડ્રીમ11 એ 2023 થી 2026 સુધી BCCI સાથે 358 કરોડ રૂપિયાનો સોદો કર્યો હતો. ઓનલાઈન ગેમિંગ બિલ પસાર થયા પછી, ડ્રીમ11 અને BCCI વચ્ચેનો સોદો સમાપ્ત થશે તે લગભગ નિશ્ચિત હતું અને હવે કંઈક આવું જ જોવા મળ્યું છે. ડ્રીમ11 એ BCCI ને જાણ કરી છે કે તે હવે ભારતીય ટીમને સ્પોન્સર કરી શકશે નહીં, તેથી હવે ટીમ ઈન્ડિયાને એક નવો ટાઇટલ સ્પોન્સર શોધવો પડશે. ઓનલાઈન ગેમિંગના પ્રતિબંધ બાદ Dream11 એ નિવેદન આપ્યું; આ સમગ્ર મુદ્દા પર, ડ્રીમ11 ના અધિકારીએ તાજેતરમાં એક નિવેદનમાં જણાવ્યું હતું કે અમે હંમેશા કાયદાનું પાલન કરતી કંપની રહીએ છીએ અને હંમેશા કાયદાનું પાલન કરીને અમારો વ્યવસાય કર્યો છે. જોકે અમે માનીએ છીએ કે પ્રગતિશીલ કાયદો આગળ વધવાનો માર્ગ હોત, અમે કાયદાનું સન્માન કરીશું અને ઓનલાઈન ગેમિંગ પ્રમોશન અને નિયમન બિલ 2025 નું સંપૂર્ણ પાલન કરીશું.