ઈન્ડિયન પ્રીમિયર લીગની 19મી સીઝનની 10મી મેચ હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમ ખાતે સનરાઈઝર્સ હૈદરાબાદ અને લખનૌ સુપર જાયન્ટ્સ વચ્ચે રમાઈ રહી છે. આ મેચમાં ટોસ જીતીને લખનૌ સુપર જાયન્ટ્સના કેપ્ટન ઋષભ પંતે પહેલા બોલિંગ કરવાનો નિર્ણય લીધો. આ પછી, સનરાઈઝર્સ હૈદરાબાદે પ્રથમ બેટિંગ કરતા 20 ઓવરમાં 9 વિકેટ ગુમાવીને 156 રન બનાવ્યા હતા.
આ મેચમાં હૈદરાબાદની શરૂઆત ખરાબ રહી હતી, પાવરપ્લેમાં જ તેણે ત્રણ વિકેટ ગુમાવી દીધી હતી. તેઓ 10 ઓવરમાં ફક્ત 35 રન જ બનાવી શક્યા હતા. ત્યારબાદ નીતિશ રેડ્ડી અને હેનરિક ક્લાસેનએ 5મી વિકેટ માટે 100 થી વધુ રનની ભાગીદારી કરીને ટીમને લડાયક સ્કોર સુધી પહોંચાડવામાં મહત્વપૂર્ણ ભૂમિકા ભજવી હતી. આ મેચમાં હેનરિક ક્લાસેન 62 રન બનાવ્યા હતા અને નીતિશ રેડ્ડીએ 56 રન બનાવ્યા હતા. લખનૌ સુપર જાયન્ટ્સ માટે, મોહમ્મદ શમી, પ્રિન્સ યાદવ અને અવેશ ખાને 2-2 વિકેટ લીધી હતી, જ્યારે દિગ્વેશ રાઠી અને એમ. સિદ્ધાર્થે 1-1 વિકેટ લીધી હતી. સનરાઇઝર્સ હૈદરાબાદ અને લખનૌ સુપર જાયન્ટ્સે IPLમાં હવે છ મેચ રમી છે, જેમાંથી લખનૌ સુપર જાયન્ટ્સે ચારમાં જીત મેળવી છે, જ્યારે સનરાઇઝર્સ હૈદરાબાદ ફક્ત બેમાં જ જીત્યું છે. હૈદરાબાદ સ્ટેડિયમમાં બંને ટીમો વચ્ચે કુલ ત્રણ મેચ રમાઈ છે, જેમાં LRH એ બે અને SRH એ એકમાં જીત મેળવી છે.
