થરાદ થી સોમનાથ માટે શ્રાવણ મહિનામાં ખાસ બસ સેવા શરૂ કરવામાં આવી

થરાદ એસટી ડેપો દ્વારા પવિત્ર શ્રાવણ માસ દરમિયાન થરાદથી સોમનાથ સુધી ખાસ બસ સેવા શરૂ કરવામાં આવી છે. આ બસ સેવા દર રવિવારે સાંજે 4 વાગ્યે થરાદથી ઉપડશે. સોમવારે સવારે 6 વાગ્યે સોમનાથ પહોંચશે. ડેપો મેનેજરએ જણાવ્યું કે આ સેવા થરાદના લોકોની ભારે માંગને ધ્યાનમાં રાખીને શરૂ કરવામાં આવી છે. સોમનાથ મંદિરના દર્શન કરવા ઇચ્છતા ભક્તો માટે આ સેવા ખૂબ ઉપયોગી સાબિત થશે. પવિત્ર શ્રાવણ મહિનામાં જનતાને લાભ મળે તે હેતુથી આ બસ સેવાનું આયોજન કરવામાં આવ્યું છે. મુસાફરો માટે સરળતા રહે તે માટે ટિકિટ ઓનલાઈન બુક કરાવવાની સુવિધા પણ ઉપલબ્ધ કરવામાં આવી છે. થરાદથી સોમનાથ સુધીની યાત્રાનું ભાડું ₹410 રાખવામાં આવ્યું છે. ડેપો મેનેજરે જનતાને આ નવી બસ સેવાનો મહત્તમ લાભ લેવા અપીલ કરી છે. આ સેવા થરાદના લોકો માટે સોમનાથ મંદિરના દર્શન કરવા માટે સરળ અને સુવિધાજનક વિકલ્પ પૂરો પાડશે.