આજે ચાંદીના ભાવમાં 4000 રૂપિયાનો વધારો, સોનુ પણ થયું મોંઘુ

મધ્ય પૂર્વમાં ઝડપથી બગડતી પરિસ્થિતિ વચ્ચે આજે સોના અને ચાંદીના ભાવમાં વધારો જોવા મળી રહ્યો છે. સોમવારે MCX પર ચાંદીના ભાવમાં ₹4,000 સુધીનો વધારો થયો હતો. ચાંદી ઉપરાંત, આજે સોનાના ભાવમાં પણ વધારો જોવા મળી રહ્યો છે.

સોમવારે સવારે 11:00 વાગ્યે, 5 ઓગસ્ટના રોજ ડિલિવરી માટેનું સોનું 257  (0.18 ટકા) વધીને 1,41,163 રૂપિયા પ્રતિ 10 ગ્રામ પર ટ્રેડ થઈ રહ્યું હતું. શુક્રવારે સોનાનો ભાવ 1,40,906 રૂપિયા પ્રતિ 10 ગ્રામ હતો, જે 743 રૂપિયા વધીને 1,41,649 રૂપિયા પ્રતિ 10 ગ્રામ પર ખુલ્યો હતો. આ લખાય છે ત્યારે, સોનાના ભાવ ઇન્ટ્રાડે હાઈ રૂ. 1,41,659 રૂપિયા પ્રતિ 10 ગ્રામથી લઈને ઇન્ટ્રાડે લો રૂ. 1,41,081 રૂપિયા પ્રતિ 10 ગ્રામ સુધી હતા.

4 સપ્ટેમ્બરના રોજ ડિલિવરી માટે ચાંદીનો ભાવ 2,18,390 રૂપિયા પ્રતિ કિલો હતો, જે આજે 1,978 રૂપિયા (0.92%) વધીને 2,18,390 રૂપિયા પ્રતિ કિલો હતો. ગયા શુક્રવારે ચાંદી 2,16,403 રૂપિયા પ્રતિ કિલો બંધ થયા પછી, દિવસના અંતે ચાંદી ૨,૭૯૬ રૂપિયાના વધારા સાથે ૨,૧૯,૧૯૯ રૂપિયા પ્રતિ કિલો થઈ હતી. આ લખાય છે ત્યારે, ચાંદીના ભાવ 2,20,408રૂપિયા પ્રતિ કિલોના ઇન્ટ્રાડે ઉચ્ચતમ સ્તરથી 2,18,322 રૂપિયા પ્રતિ કિલોના ઇન્ટ્રાડે નીચલા સ્તર સુધી હતા. આનો અર્થ એ થયો કે આજના વેપાર દરમિયાન ચાંદીના ભાવ અગાઉના બંધ સ્તરથી લગભગ 4,005 રૂપિયા વધ્યા છે.