સોમવારે શેરબજારનો પ્રારંભ લીલા રંગમાં થયો અને તેજી સાથે શરૂ થયો. આજે સેન્સેક્સ 0.40 ટકાના વધારા સાથે ખુલ્યો. જ્યારે નિફ્ટી 50 0.36 ટકાના વધારા સાથે શરૂ થયો. અઠવાડિયાના પહેલા ટ્રેડિંગ સત્રમાં HDFC બેંક, SBI, ICICI બેંક, કોટક મહિન્દ્રા બેંક જેવા ટોચના બેંકિંગ શેર સારા વધારા સાથે ખુલ્યા. જ્યારે HCL ટેક, ઇન્ફોસિસ, ટેક મહિન્દ્રા, TCS જેવી મોટી IT કંપનીઓના શેરમાં મોટા ઘટાડા સાથે કારોબાર શરૂ થયો હતો.
અઠવાડિયાના પહેલા ટ્રેડિંગ સત્રમાં, BSE સેન્સેક્સ 327.89 પોઈન્ટ (0.40%) વધીને 81,327.29 પર ખુલ્યો. NSE નિફ્ટી 50 ઈન્ડેક્સ 90.00 પોઈન્ટ (0.36%) વધીને 25,076.40 પર ખુલ્યો. નોંધનીય છે કે દિવાળી નિમિત્તે યોજાયેલા ખાસ મુહૂર્ત ટ્રેડિંગ સત્ર દરમિયાન રવિવારે બજાર લાલ રંગમાં બંધ થયું હતું . સોમવારે, સેન્સેક્સના 30 શેરોમાંથી માત્ર 13 શેરો જ વધારા અને લીલા નિશાન સાથે ખુલ્યા હતા, જ્યારે બાકીની 17 કંપનીઓ લાલ નિશાન સાથે બંધ થઈ હતી. બીજી તરફ, નિફ્ટી 50 ના 50 શેરોમાંથી માત્ર 26 શેરો જ વધારા અને લીલા નિશાન સાથે ખુલ્યા હતા, જ્યારે બાકીની 22 કંપનીઓ નુકસાન અને લાલ નિશાન સાથે બંધ થઈ હતી, જેમાં બે શેરો યથાવત રહ્યા હતા.
સેન્સેક્સ કંપનીઓમાં, ખાનગી ક્ષેત્રની સૌથી મોટી બેંક HDFC બેંકના શેર સૌથી વધુ 1.54 ટકાના વધારા સાથે ખુલ્યા. આ દરમિયાન, દેશની અગ્રણી IT કંપની HCL ટેકના શેર સૌથી વધુ 2.01 ટકાના ઘટાડા સાથે ખુલ્યા હતા.
સેન્સેક્સની અન્ય કંપનીઓમાં, સ્ટેટ બેંક ઓફ ઈન્ડિયાના શેર 1.47 ટકા, ICICI બેંક 1.15 ટકા, કોટક મહિન્દ્રા બેંક 0.48 ટકા, ઈન્ડિગો 0.46 ટકા, એક્સિસ બેંક 0.34 ટકા, મહિન્દ્રા એન્ડ મહિન્દ્રા 0.30 ટકા, L&T 0.26 ટકા, બજાજ ફિનસર્વ 0.11 ટકા, ટ્રેન્ટ 0.10 ટકા, ટાઇટન 0.08 ટકા, NTPC 0.08 ટકા અને ટાટા સ્ટીલના શેર 0.05 ટકાના વધારા સાથે ખુલ્યા હતા.
