PM મોદી ત્રણ દિવસની મુલાકાતે સેશેલ્સ પહોંચ્યા

વડા પ્રધાન નરેન્દ્ર મોદી શનિવારે ત્રણ દિવસની સત્તાવાર મુલાકાતે સેશેલ્સ પહોંચ્યા. આ મુલાકાત દરમિયાન, તેઓ રાષ્ટ્રપતિ પેટ્રિક હર્મિની સાથે વાતચીત કરશે અને ટાપુ રાષ્ટ્રના સુવર્ણ જયંતિ રાષ્ટ્રીય દિવસ સમારોહમાં હાજરી આપશે. હર્મિની અને ઉચ્ચ સ્તરીય પ્રતિનિધિમંડળે સેશેલ્સ આંતરરાષ્ટ્રીય વિમાનમથક પર પીએમ મોદીનું ઉષ્માભર્યું સ્વાગત કર્યું, જ્યાં તેમને ઔપચારિક ગાર્ડ ઓફ ઓનર પણ આપવામાં આવ્યું હતું.

પીએમ મોદીએ સોશિયલ મીડિયા પ્લેટફોર્મ X પર એક પોસ્ટમાં સેશેલ્સમાં પોતાના આગમનની જાહેરાત કરી. પોતાની પોસ્ટમાં તેમણે કહ્યું, "હું સેશેલ્સ પહોંચી ગયો છું. એરપોર્ટ પર ડૉ. પેટ્રિક હર્મિની દ્વારા કરવામાં આવેલા ઉષ્માભર્યા સ્વાગતની હું ખૂબ પ્રશંસા કરું છું." તેમણે ઉમેર્યું, સેશેલ્સ એક મહત્વપૂર્ણ દરિયાઈ ભાગીદાર અને હિંદ મહાસાગરમાં એક ગાઢ મિત્ર છે. હું આ મુલાકાત માટે ઉત્સાહિત છું, જેનો ઉદ્દેશ્ય આપણા લાંબા સમયથી ચાલતા સંબંધોને વધુ મજબૂત બનાવવા અને બંને દેશોના લોકોના લાભ માટે સહયોગ વધારવાનો છે.

સેશેલ્સ એરપોર્ટ પર પીએમ મોદીનું સ્વાગત કરવા માટે ભારતીય સમુદાયના સભ્યો હાજર રહ્યા હતા. પીએમ મોદીએ ભારતીય સમુદાયના સભ્યો સાથે મુલાકાત કરી અને એરપોર્ટ મીટિંગના ફોટા ટ્વિટર પર શેર કર્યા. સેશેલ્સ એરપોર્ટ પર મને મળેલા અદ્ભુત સ્વાગતની આ કેટલીક ઝલક છે. ભારતીય સમુદાયનો તેમના પ્રેમ અને સ્નેહ માટે આભાર, તેમણે ટ્વિટર પર કહ્યું હતું.