પશ્ચિમ બંગાળ વિધાનસભા ચૂંટણીના પહેલા તબક્કામાં રેકોર્ડ મતદાન નોંધાયું છે. સાંજે 5:00 વાગ્યા સુધીમાં લગભગ 90% મતદાન નોંધાયું છે. મતદાનના પહેલા તબક્કાની શરૂઆત થતાં જ કોલકાતામાં એક રેલીને સંબોધતા મુખ્યમંત્રી મમતા બેનર્જીએ દાવો કર્યો હતો કે શરૂઆતના વલણો તૃણમૂલ કોંગ્રેસ (TMC) માટે જંગી જીત તરફ ઈશારો કરે છે.
મમતા બેનર્જીએ કહ્યું, કે જ્યાં સુધી હું જનતાનું મન વાંચી શકું છું, અને અત્યાર સુધીના મતદાનને જોતાં, હું કહી શકું છું કે આપણે પહેલાથી જ જીતની સ્થિતિમાં છીએ. તેમણે આગળ કહ્યું, કે મને કોઈ પણ પદમાં રસ નથી, હું ફક્ત કેન્દ્રમાં ભાજપ સરકારનો અંત ઇચ્છું છું. કોલકાતાના બો બજાર વિસ્તારમાં એક રેલીમાં મમતાએ કહ્યું કે ચૂંટણી જીત્યા પછી, તે તમામ વિપક્ષી પક્ષોને એકસાથે લાવશે અને દિલ્હી (કેન્દ્રીય સત્તા) પર વિજય મેળવશે.
દરમિયાન, પશ્ચિમ બંગાળમાં મતદાનના પ્રથમ તબક્કામાં ભાજપના પ્રદર્શન અંગે સુવેન્દુ અધિકારીએ કહ્યું, કે ચૂંટણી પંચ સફળ રહ્યું, ચૂંટણી શાંતિપૂર્ણ રહી. મારી માહિતી મુજબ, 90 ટકા મતદાન થયું. અમે પહેલા તબક્કામાં 125 બેઠકો જીતીશું. મુસ્લિમ મત પહેલાથી જ એકીકૃત થઈ ગયા હતા, પરંતુ પરિણામો પછી, તમે જોશો કે 85 ટકા હિન્દુઓ ભાજપ સાથે હશે. બીજો તબક્કો અમારા માટે મુશ્કેલ નથી. આપણે ફક્ત ગુંડાગીરી પર નિયંત્રણ રાખવાનું છે.
