પાકિસ્તાનને મોટો ફટકો, વિકેટકીપર-બેટ્સમેન એશિયા કપમાંથી બહાર

મહિલા એશિયા કપ એક અઠવાડિયામાં શરૂ થવાનો છે, જેમાં કુલ 8 ટીમો ભાગ લેશે. ટુર્નામેન્ટ શરૂ થાય તે પહેલાં, પાકિસ્તાન ટીમ અંગે મોટા સમાચાર આવ્યા છે. એશિયા કપ પહેલા પાકિસ્તાનને મોટો ઝટકો લાગ્યો છે. વિકેટકીપર-બેટર નજીહા અલ્વી ઈજાને કારણે ACC મહિલા T20 એશિયા કપમાંથી બહાર થઈ ગઈ છે. તેના સ્થાને જમણા હાથની બેટ્સમેન સદાફ શમાસને એશિયા કપ ટીમમાં સામેલ કરવામાં આવી છે. નજીહાએ તેના ડાબા ઘૂંટણના પાછળના ભાગમાં દુખાવાની ફરિયાદ કરી હતી, અને પછીથી સ્કેન કરવામાં આવ્યું હતું કે તેને મચકોડ આવી શકે છે.


PCB મેડિકલ ટીમ દ્વારા મૂલ્યાંકન બાદ, નાઝીહા તાત્કાલિક તેનો પુનર્વસન કાર્યક્રમ શરૂ કરશે, જે ચાર અઠવાડિયા સુધી ચાલવાની ધારણા છે. રાષ્ટ્રીય મહિલા પસંદગી સમિતિએ સદાફને એશિયા કપ ટીમમાં સામેલ કરી છે. જાન્યુઆરી 2023 માં ડેબ્યૂ કર્યા પછી તેણીએ 12 T20I મેચ રમી છે. ACC મહિલા T20 એશિયા કપ 28 ઓગસ્ટથી 13 સપ્ટેમ્બર દરમિયાન દુબઈમાં રમાશે, જેમાં પાકિસ્તાનને ભારત, થાઇલેન્ડ અને હોંગકોંગ સાથે ગ્રુપ A માં રાખવામાં આવશે. ભારત અને પાકિસ્તાન 5 સપ્ટેમ્બરે એકબીજાનો સામનો કરશે. તે પહેલાં, પાકિસ્તાની ટીમ 1 સપ્ટેમ્બરે થાઇલેન્ડ સામે તેના અભિયાનની શરૂઆત કરશે.

નોંધનીય છે કે મહિલા એશિયા કપ છઠ્ઠી વખત T20 ફોર્મેટમાં યોજાશે. આ સ્પર્ધા 28 ઓગસ્ટથી 13 સપ્ટેમ્બર દરમિયાન UAEમાં રમાશે. શ્રીલંકા આ ટુર્નામેન્ટનું ડિફેન્ડિંગ ચેમ્પિયન છે. તેણે ગત આવૃત્તિની ફાઇનલમાં ભારતને હરાવીને ટાઇટલ જીત્યું હતું. હવે, ઘરઆંગણે, UAE ટીમ એશિયાની ટોચની ટીમોમાં પોતાની ઓળખ સ્થાપિત કરવાનો પ્રયાસ કરશે. આ ટુર્નામેન્ટ માટે અત્યાર સુધીમાં પાંચ ટીમોની જાહેરાત કરવામાં આવી છે. UAE ઉપરાંત, આમાં ભારત, શ્રીલંકા, પાકિસ્તાન અને બાંગ્લાદેશની ટીમોનો સમાવેશ થાય છે . હોંગકોંગ, ઇન્ડોનેશિયા અને થાઇલેન્ડની ટીમોની જાહેરાત હજુ બાકી છે.