ઘટાડા સાથે બંધ થયું ભારતીય શેર બજાર

સોમવારે ક્રૂડ ઓઇલના ભાવમાં વધારાથી સ્થાનિક શેરબજારો પર ઊંડી અસર પડી હતી, જે નોંધપાત્ર નુકસાન સાથે બંધ થયા હતા. અઠવાડિયાના પહેલા ટ્રેડિંગ સત્રમાં અદાણી પોર્ટ્સ, આઇટીસી, ભારતી એરટેલ અને એચડીએફસી બેંકના શેરમાં નોંધપાત્ર ઘટાડો જોવા મળ્યો હતો. નોંધનીય છે કે આજે બજારમાં ઘટાડા સાથે ટ્રેડિંગ શરૂ થયું હતું.

સોમવારે, BSE સેન્સેક્સ 307.24 પોઈન્ટ (0.40ટકા) ઘટીને 76,957.27પર બંધ થયો હતો. NSE નિફ્ટી ૫૦ ઈન્ડેક્સ 95.25 પોઈન્ટ (0.39 ટકા) ઘટીને 24,080.40 પર બંધ થયો હતો.

સોમવારે, સેન્સેક્સના 30 શેરોમાંથી ફક્ત 10 શેરો જ વધારા સાથે લીલા રંગમાં બંધ થયા હતા, જ્યારે બાકીના 20 શેરો નુકસાન સાથે લાલ રંગમાં બંધ થયા હતા. દરમિયાન, નિફ્ટી 50 શેરોમાંથી 20 શેરો વધારા સાથે લીલા રંગમાં બંધ થયા હતા, જ્યારે બાકીના 30 શેરો નુકસાન સાથે લાલ રંગમાં બંધ થયા હતા.

સેન્સેક્સ કંપનીઓમાં, અદાણી ગ્રુપની કંપની, અદાણી પોર્ટ્સ અને સ્પેશિયલ ઇકોનોમિક ઝોન લિમિટેડ, આજે સૌથી વધુ 4.11 ટકાના ઘટાડા સાથે બંધ થયો. આ દરમિયાન, દેશની અગ્રણી ફાર્માસ્યુટિકલ કંપની, સન ફાર્માના શેર, 1.87 ટકાના સૌથી વધુ વધારા સાથે બંધ થયા.