ડીસાના ગંજીપૂરામાં છેલ્લા ૧૦ વર્ષથી વિકાસ 'વેરન', રોડ-રસ્તા અને ગટર મુદ્દે નગરપાલિકા સામે પ્રજાનો પ્રચંડ રોષ

ડીસાના ગંજીપૂરા વિસ્તારમાં છેલ્લા ૧૦ વર્ષ થી રોડ, ભૂગર્ભ ગટરો તથા સફાઈના કામો ન થતાં લોકોએ ચટણી બહિષ્કાર કરવાનો નિર્ધાર વ્યક્ત કર્યો હતો. છેલ્લા ૧૦ વર્ષથી દરેક ઉમેદવારો મસ મોટા વચનો આપીને જતાં રહે છે. પરંતુ વિકાસના કોઈ પણ કાર્યો ગંજીપૂરા વિસ્તારમાં ન થતાં લોકોએ નગરપાલિકા સામે રોષ વ્યક્ત કરી ચૂંટણી બહિષ્કાર કરવાનો નિર્ધાર વ્યક્ત કર્યો હતો. આ અંગે સ્થાનિક રેહવાસી અંનવરભાઈ શેખે જણાવ્યું કે, આખા ડીસામાં દરેક વોર્ડમાં વિકાસમાં કર્યો કરવામાં આવ્યા છે. ત્યારે વોર્ડ નં. ૯ આ આવેલ ગંજીપૂરા વિસ્તારમાં ભૂગર્ભ ગટરો રોડ તથા સફાઈ ન થતાં વારંવાર અમારા બાળકો બીમાર પડે છે. રોગના ભરડામાં ફસાઈ જાય છે. આ અંગે જશવંતભાઈ દેવીપૂજકે જણાવ્યું કે, અમે કેટલીયવાર ચીફ ઓફિસર નગરપાલિકાને લેખિતમાં રજૂઆત કરેલ થઈ જશે તેવા પોકળ વચન આપ્યા પરંતુ કોઈ વિકાસના કાર્યો ન થતાં લોકોએ મત ન આપવાનો નિર્ધાર વ્યકત કર્યો હતો. ત્યારે જાગૃત ધારાસભ્ય પ્રવીણભાઈ માંળી ગંજીપૂરા વિસ્તારની રૂબરૂ મુલાકાત લઈ સફાઈ કરાવી લોકો બીમારીના ભરડામાંથી બહાર લાવે તેવી જનમાંગ છે.