હર્ષ મલ્હોત્રા દિલ્હી બીજેપીના નવા પ્રમુખ બન્યા, અભિષેક દેબરોયને ત્રિપુરાની જવાબદારી મળી

ભારતીય જનતા પાર્ટીએ મોટા સંગઠનાત્મક ફેરફારો કર્યા છે. ભાજપે રાષ્ટ્રીય રાજધાની દિલ્હી સહિત ચાર રાજ્યોમાં પ્રદેશ પ્રમુખોને બદલી નાખ્યા છે. હર્ષ મલ્હોત્રાને દિલ્હી ભાજપના નવા પ્રમુખ તરીકે નિયુક્ત કરવામાં આવ્યા છે. તેઓ વર્તમાન પ્રમુખ વીરેન્દ્ર સચદેવનું સ્થાન લેશે.

૨૦૨૪ની લોકસભા ચૂંટણી જીત્યા બાદ હર્ષ મલ્હોત્રા પહેલી વાર સાંસદ તરીકે ચૂંટાયા હતા. તેઓ પૂર્વ દિલ્હીનું પ્રતિનિધિત્વ કરે છે. પાર્ટીએ તેમને ગૌતમ ગંભીરના સ્થાને મેદાનમાં ઉતાર્યા હતા. મલ્હોત્રા કેન્દ્રીય મંત્રીમંડળના સભ્ય પણ છે અને માર્ગ પરિવહન મંત્રાલયમાં રાજ્યમંત્રીનું પદ ધરાવે છે. અગાઉ, મલ્હોત્રા દિલ્હી મ્યુનિસિપલ કોર્પોરેશન (MCD) ના જનરલ સેક્રેટરી તરીકે સેવા આપી હતી. મલ્હોત્રાએ ૨૦૧૫ થી ૨૦૧૬ સુધી દિલ્હી મ્યુનિસિપલ કોર્પોરેશન (MCD) ના મેયર તરીકે પણ સેવા આપી હતી. ૨૦૧૨ માં, તેમણે પૂર્વ દિલ્હીની વેલકમ કોલોનીથી મ્યુનિસિપલ કાઉન્સિલરની ચૂંટણી પણ જીતી હતી.

દરમિયાન, અભિષેક દેબરોયને ત્રિપુરા ભાજપનું નેતૃત્વ સોંપવામાં આવ્યું છે. પાર્ટીએ એક યુવાન ચહેરા પર દાવ લગાવ્યો છે. અભિષેક દેબરોય હાલમાં ધારાસભ્ય છે અને હવે તેમને પાર્ટી દ્વારા એક મહત્વપૂર્ણ જવાબદારી સોંપવામાં આવી છે.બરનાલાના ભૂતપૂર્વ ધારાસભ્ય અને અગ્રણી જાટ શીખ નેતા કેવલ સિંહ ધિલ્લોનને પંજાબ ભાજપના નવા પ્રમુખ તરીકે નિયુક્ત કરવામાં આવ્યા છે. કોંગ્રેસ પાર્ટી છોડીને ભાજપમાં જોડાનારા ધિલ્લોનને સુનીલ જાખડની જગ્યાએ રાજ્યમાં પાર્ટીને મજબૂત કરવાની જવાબદારી સોંપવામાં આવી છે.

પાણીપતના જાણીતા ડોક્ટર અને સક્રિય નેતા ડૉ. અર્ચના ગુપ્તાને હરિયાણા ભાજપના નવા નેતા તરીકે નિયુક્ત કરવામાં આવ્યા છે. તેમણે અગાઉ ભાજપ મહિલા મોરચાના પ્રમુખ, રાજ્ય મહાસચિવ અને વિશ્વ હિન્દુ પરિષદ (VHP) માં મહત્વપૂર્ણ પદો સંભાળ્યા હતા.