અમેરિકા અને ઈરાન વચ્ચે કરારની જાહેરાત બાદ આજે શેરબજાર તેમજ બુલિયન બજારમાં જોરદાર તેજી જોવા મળી હતી. સોમવારે સોના અને ચાંદી બંનેના ભાવમાં જોરદાર ઉછાળો જોવા મળ્યો હતો. આજે ચાંદીનો ભાવ 5,000 રૂપિયા વધીને 2,60,700 રૂપિયા પ્રતિ કિલોગ્રામ પર પહોંચી ગયો હતો. ગયા સપ્તાહે શુક્રવારે ચાંદીનો ભાવ 10,000 રૂપિયાના બમ્પર વધારા સાથે 2,55,700 રૂપિયા પ્રતિ કિલોગ્રામ પર બંધ થયો હતો. ગયા સપ્તાહે બુધવાર અને ગુરુવારે ચાંદીનો ભાવ 2,45,700 રૂપિયા પ્રતિ કિલોગ્રામ હતો.
ચાંદી ઉપરાંત આજે સોનાના ભાવમાં પણ તીવ્ર વધારો જોવા મળ્યો. સોમવારે દિલ્હી બુલિયન માર્કેટમાં 99.9 ટકા શુદ્ધતા ધરાવતું સોનું 2500 રૂપિયા વધીને 1,59,400 રૂપિયા પ્રતિ 10 ગ્રામ પર પહોંચી ગયું. ગયા સપ્તાહે શુક્રવારે સોનાનો ભાવ 3000 રૂપિયા વધીને 1,56,900 રૂપિયા પ્રતિ 1 ગ્રામ પર બંધ થયો હતો. આ ઉપરાંત ગયા સપ્તાહે બુધવારે સોનું 4300 રૂપિયા ઘટીને 1,56,000 રૂપિયા અને ગુરુવારે 2100 રૂપિયા ઘટીને 1,53,900 રૂપિયા પ્રતિ 10 ગ્રામ પર બંધ થયું હતું. આજે સતત બીજા સત્રમાં સોના અને ચાંદીના ભાવમાં મોટો વધારો જોવા મળ્યો છે.
સોના - ચાંદીના ભાવમાં વધારો, જાણો આજનો નવો ભાવ
