IPL 2025 માં ગેરેથ સાઉથગેટ ક્રિકેટ પ્રત્યેના પોતાનો પ્રેમ વ્યક્ત કર્યો

ઇંગ્લેન્ડના ભૂતપૂર્વ ફૂટબોલ મેનેજર ગેરેથ સાઉથગેટે ક્રિકેટ પ્રત્યેના તેમના લાંબા સમયથી પ્રેમનો ખુલાસો કર્યો અને તે દિવસોને યાદ કર્યા જ્યારે તેઓ કપિલ દેવ અને સુનીલ ગાવસ્કર જેવા ભારતીય દિગ્ગજોને રમતા જોતા હતા. સાઉથગેટે જયપુરના સવાઈ માનસિંહ સ્ટેડિયમમાં રાજસ્થાન રોયલ્સ અને મુંબઈ ઇન્ડિયન્સ વચ્ચેની IPL 2025 મેચની મુલાકાત દરમિયાન આ યાદો શેર કરી હતી. સાઉથગેટ રાજસ્થાન રોયલ્સની ખાસ ગુલાબી કિટ પહેરીને તેમના પરિવાર સાથે સ્ટેન્ડમાંથી ટીમને ટેકો આપતા જોવા મળ્યા હતા. મેચ દરમિયાન એક ઇન્ટરવ્યુમાં, તેમણે શેર કર્યું કે તેઓ લાંબા સમયથી રમતના ચાહક હતા અને વેમ્બલી સ્ટેડિયમમાં તેમણે ઘણીવાર અનુભવેલા IPL વાતાવરણ અને ફૂટબોલના ઉન્માદ વચ્ચે સમાનતાઓ દર્શાવી હતી. હું હંમેશા ક્રિકેટનો ચાહક રહ્યો છું. જ્યારે હું નાનો હતો. હું આખો દિવસ ટેસ્ટ મેચ જોતો હતો. મારો મતલબ છે કે, હું કપિલ દેવ અને સુનીલ ગાવસ્કર અને તેના જેવા ખેલાડીઓના યુગમાં પાછો જઈ રહ્યો છું, સાઉથગેટે ફ્રેન્ચાઇઝી દ્વારા બહાર પાડવામાં આવેલા એક વિડીયોમાં જણાવ્યું હતું. અને પછી, વર્ષોથી, જ્યારે હું ઇંગ્લેન્ડ માટે રમતો હતો ત્યારે ઘણા ખેલાડીઓને ઓળખતો ગયો અને હું ઇંગ્લેન્ડની ટીમને પણ ઘણી સારી રીતે જાણતો હતો, તેવું સાઉથગેટે કહ્યું હતું.