દેશી દવા કે પછી ઘરેલુ ઉપચાર માટે અજમો સર્વોપરી
ઉંઝા એપીએમસી અજમાની આવકો આવી રહી છે. હાલ અજમાની ૨૨૦૦ થી ૨૩૦૦ બોરીની આવકો જોવા મળી રહી છે. કાઠીયાવાડ અને મહેસાણા, પાટણ જિલ્લામાંથી આવકો જોવા મળી રહી છે. અજમાના મણના સરેરાશ ભાવ ૨૩૦૦ થી ૨૬૦૦ રૂપિયા જ્યારે સારા માલના ૨૬૦૦ થી ૨૯૦૦ રૂપિયા અને એક્સ્ટ્રા બોલ્ડ માલના ૨૯૦૦ થી ૩૫૦૦ રૂપિયા રહેવા પામ્યા છે. ઘરાકી માપની જોવા મળી રહી છે. પરંતુ આગળ અજમાનું ભવિષ્ય સારૂં જણાતાં મણે ૫૦૦ રૂપિયાની તેજી થવાની સંભાવના છે. અજમાનું વાવેતર ડિસેમ્બર માસમાં થાય છે. જ્યારે અજમાની આવકો એપ્રિલ માસથી શરૂ થાય છે જે મે મહિના સુધી જોવા મળે છે. મે આખર સુધી અજમાની સીઝન રહે છે. અજમાનો ઉપયોગ મસાલાની ચીજો સહિત દેશી દવાઓ અને આર્યુવેદિક ઉપચારમાં થાય છે. આર્યુવેદિક દવાઓ માટે અજમો મોખરે રહેતા તેની ડિમાન્ડ બારે માસ રહે છે. દેશી દવાઓ હોય કે પછી ઘરેલુ ઉપચાર માટે અજમો સર્વોપરી રહ્યો છે.
