નકલી કોલ સેન્ટરની તપાસમાં લાંચનો મામલો; 4 પોલીસકર્મીઓ સસ્પેન્ડ

ભોપાલમાં નકલી કોલ સેન્ટર કેસની તપાસ દબાવવા માટે લાંચ લેવાના આરોપમાં એક પોલીસ સ્ટેશનના ઇન્સ્પેક્ટર ઇન્ચાર્જ સહિત ચાર પોલીસકર્મીઓને સસ્પેન્ડ કરવામાં આવ્યા છે. અધિકારીઓએ ગુરુવારે આ માહિતી આપી. અધિકારીઓએ જણાવ્યું હતું કે આરોપી પોલીસકર્મીઓમાંથી એક પાસેથી કથિત રીતે લાંચ તરીકે લેવાયેલી 5 લાખ રૂપિયાની રકમ જપ્ત કરવામાં આવી હતી. લાંચ લેવા બદલ 4 પોલીસકર્મીઓ સસ્પેન્ડ; તેમણે કહ્યું કે મધ્યપ્રદેશના ટીકમગઢ જિલ્લાના અંશુલ જૈન નામના વ્યક્તિએ કથિત રીતે લાંચના પહેલા હપ્તા તરીકે 5 લાખ રૂપિયા ચૂકવ્યા હતા. તેમના પર ભ્રષ્ટાચાર નિવારણ કાયદાની કલમો હેઠળ પણ આરોપ મૂકવામાં આવ્યો છે. પોલીસના જણાવ્યા અનુસાર, રઘુવંશીએ અન્ય ત્રણ આરોપી પોલીસકર્મીઓ સાથે મળીને એફઆઈઆરમાં મુખ્ય આરોપી તરીકે કોઈ વ્યક્તિનું નામ ન લખવા માટે 25 લાખ રૂપિયામાં સોદો કર્યો હતો અને આરોપી એક નકલી કોલ સેન્ટર ચલાવતો હતો જેણે દેશભરમાં ઘણા લોકો સાથે છેતરપિંડી કરી હતી. પોલીસે 23 ફેબ્રુઆરીના રોજ નકલી કોલ સેન્ટરનો પર્દાફાશ કર્યો હતો પરંતુ FIRમાં તે વ્યક્તિનું નામ આપ્યું ન હતું.