ગુજરાતમાં નવરાત્રિ અને દિવાળી પહેલાં સીંગતેલના ભાવમાં વધારો થતાં સામાન્ય લોકોની ચિંતા વધી છે. છેલ્લા ચાર દિવસમાં 15 કિલોના ડબ્બામાં ₹85નો વધારો થતાં ભાવ ₹2,955થી ₹3,005 સુધી પહોંચ્યા છે. રાજ્યમાં ચાલુ વર્ષે અંદાજે 50.33 લાખ ટન મગફળીનું ઉત્પાદન થયું હોવા છતાં તેલના ભાવમાં વધારો નોંધાયો છે. મોંઘા સીંગતેલને કારણે તહેવારો દરમિયાન ગૃહિણીઓના બજેટ પર વધારાનો બોજ પડશે.
દિવાળી પહેલા સામાન્ય લોકોને મોંઘવારીનો મોટો ઝટકો લાગ્યો છે. અગાઉના 6 દિવસોમાં ખાંડના ભાવમાં 10 ટકાથી વધુનો ઉછાળો જોવા મળ્યો છે. ઉત્તર પ્રદેશમાં એક્સ-મિલ કિંમતમાં 13 ટકા અને મહારાષ્ટ્રમાં 17 ટકા સુધીનો વધારો નોંધાયો છે. તહેવાર દરમિયાન મીઠાઈની વધતી માંગ અને બજારમાં મર્યાદિત ઉપલબ્ધતા ભાવ વધારાનું મુખ્ય કારણ ગણાવવામાં આવી રહ્યું છે.
