ઓડિશાના કોરાપુટ જિલ્લામાં શ્રદ્ધાળુઓથી ભરેલી બસ પલટી જતાં ચાર લોકોના મોત 40 જેટલા લોકો ઘાયલ

ઓડિશાના કોરાપુટ જિલ્લામાં અકસ્માત. બસ પલટી જતાં ચાર મુસાફરોના મોત થયા હતા, જ્યારે 40 અન્ય ઘાયલ થયા હતા. જણાવવામાં આવી રહ્યું છે કે આ બસ લગભગ 50 શ્રદ્ધાળુઓને લઈને ગુપ્તેશ્વર જઈ રહી હતી. આ દરમિયાન ડ્રાઈવરે બસ પરનો કાબૂ ગુમાવ્યો અને બસ પલટી ગઈ. ઓડિશાના સીએમ મોહન ચરણ માઝીએ આ દુર્ઘટના પર શોક વ્યક્ત કર્યો અને મૃતકોના પરિવારજનો માટે સહાયની જાહેરાત પણ કરી. પહાડી રોડ પર મુશ્કેલ વળાંક પર ડ્રાઈવરે નિયંત્રણ ગુમાવ્યું હતું. અધિકારીઓએ જણાવ્યું કે મૃતકોમાં એક 12 વર્ષનો બાળક પણ સામેલ છે. તેમણે કહ્યું કે ઘાયલોમાંથી ઘણાની હાલત નાજુક હોવાનું કહેવાય છે, જેમાંથી ઘણાએ પોતાના હાથ અને પગ ગુમાવ્યા છે. તેમણે કહ્યું કે ઘાયલોમાં ઘણી મહિલાઓ અને બાળકો પણ સામેલ છે. ઓડિશાના મુખ્યમંત્રી મોહન ચરણ માઝીએ આ દુર્ઘટના પર શોક વ્યક્ત કર્યો છે. તેમણે મૃતકોના પરિવારજનોને 2 લાખ રૂપિયાની એક્સ-ગ્રેશિયા રકમ આપવાની પણ જાહેરાત કરી હતી. આ ઉપરાંત મુખ્ય પ્રધાન માઝીએ અધિકારીઓને જિલ્લા મુખ્યાલય હોસ્પિટલમાં ગંભીર રીતે ઘાયલ લોકોની સારવાર સુનિશ્ચિત કરવા પણ નિર્દેશ આપ્યો હતો.