પ્રધાનમંત્રી નરેન્દ્ર મોદીએ બ્રિટનના નવા પ્રધાનમંત્રી એન્ડી બર્નહામ સાથે વાત કરી અને તેમને પદ સંભાળવા બદલ અભિનંદન આપ્યા. સોશિયલ મીડિયા પોસ્ટમાં, પીએમ મોદીએ જણાવ્યું હતું કે ભારત અને યુકે તેમની વ્યૂહાત્મક ભાગીદારીને નવી ઊંચાઈઓ પર લઈ જવા માટે પ્રતિબદ્ધ છે. તેમણે ઉમેર્યું હતું કે ભારત અને યુકે વેપાર કરારના લાભો મેળવવા માટે સાથે મળીને કામ કરશે.
આ વાતચીત અંગે, પીએમ મોદીએ X પર લખ્યું, "યુનાઇટેડ કિંગડમના વડા પ્રધાન એન્ડી બરહામ સાથે વાત કરવાનો આનંદ થયો. મેં તેમને પદ સંભાળવા બદલ અભિનંદન આપ્યા અને તેમના સફળ કાર્યકાળની શુભેચ્છા પાઠવી. અમે ટેકનોલોજી, નવીનતા, સંરક્ષણ, સુરક્ષા, સ્વચ્છ ઉર્જા, શિક્ષણ અને લોકો-થી-લોકોના સંબંધો જેવા ક્ષેત્રોમાં સાથે મળીને કામ કરવા અને ભારત-યુકે વ્યાપક વ્યૂહાત્મક ભાગીદારીને નવી ઊંચાઈઓ પર લઈ જવા સંમત થયા.
પીએમ મોદીએ પોતાની પોસ્ટમાં આગળ લખ્યું, "આપણે બંને દેશોના લોકોની સહિયારી સમૃદ્ધિ અને સુખાકારી માટે તાજેતરમાં અમલમાં મુકાયેલા ભારત-યુકે વ્યાપક આર્થિક અને વેપાર કરાર દ્વારા ઓફર કરાયેલા વેપાર અને રોકાણની તકોનો સંપૂર્ણ લાભ લેવા માટે સાથે મળીને કામ કરીશું."
નોંધનીય છે કે ભારત અને યુકે વચ્ચેનો વેપાર કરાર 15 જુલાઈથી અમલમાં આવ્યો છે . આના પરિણામે ટેરિફમાં નોંધપાત્ર ઘટાડો થયો છે. એવું માનવામાં આવે છે કે આ વેપાર કરાર બંને દેશો વચ્ચે માલ અને સેવાઓના દ્વિપક્ષીય પ્રવાહને વેગ આપશે. તે ભારત-યુકે વ્યવસાયને પણ એક નવી ગતિ આપી શકે છે.
